第二日自己上堂

朝早問恐龍仔: 你鍾唔鍾意返學?

恐龍仔答: YES~

咁仲喊唔喊呀?

恐龍仔答: 唔喊!

恐龍媽聽到當然好開心啦!

離開家門, 恐龍仔好似唔捨個媽媽咁喎~ 不過爸爸帶住.. 之後一路都算順利, 返到學校講咗輪耶穌, 恐龍仔就喊喇, 不過睇咗一陣花花草草又OK..

入學校, 被d手手拉咗入去, 慘叫咗一聲!

入到班房.. 老師話叫佢上堂時發咗一陣脾氣喎~ 之後無問題, 都幾投入!

恐龍媽返到屋企當然要讚吓恐龍仔啦!

好開心... 恐龍仔鍾意返學, 仲講得出做得到呀!

(各位觀眾~咪讚住.. 睇埋第三日先啦..)

---------------------

媽媽放工, 發現大門開唔到喎~原來:

(服哂! 當然係恐龍仔嘅傑作啦!)

呢隻仔, 仲攞個書包出嚟玩, 好開心咁, 要自己揹書包呀!

學校送咗個小玩具, 係相機嚟架, 睇到幾種動物嘅影像.. 教極~恐龍仔都唔識望個相機扮影相, 問佢見到乜就張張都係獅子! (因為媽媽話過有獅子囉!)

笑c咗!

 

--------

爸媽晚飯時間, 恐龍仔大叫雞雞, 但係無雞雞喎! 跟住佢要牛肉! 都無啫... 魚魚好唔好呀?

NO!!! 有骨骨! (次次都話有骨!)

好啦~ 牛肉啦! (其實係魚..... 即時吐番出嚟!!!)

最後恐龍爸俾咗舊豬肉條佢... 佢以為係牛肉呀!

麻煩豬!