暈車浪

恐龍三寶:  歌書 + 被被 + 牛牛

恐龍媽一早起身, 發現寶貝仔好enjoy~

如入無人之境! 一邊聽歌一邊坐牛牛, 仲有至愛相伴

一樂也!

--------------

以前成日講, bb唔會暈船浪, 因為佢地响媽媽個肚"浪"慣~

記得上次去東平州回程時恐龍仔都唔係幾舒服, 喊過, 仲估佢瞓唔慣..

今日, 我地去完科學館就上巴士去婆婆度.. 瞓咗~

食完晚飯走人, 响架巴士度, 恐龍仔無乜精神, 中段開始叫媽咪~ 嗰時都唔明原來佢唔舒服, 到返到馬鞍山, 佢嘔咗一啖.. (辛苦恐龍爸喇, 佢個身都有呀!) 媽媽想幫手, 攞住手巾仔時.. 嘔第二次! 接住!!!

好啦.. 換過d衫啦.. 好似OK喇

返到屋企沖個暖水涼.. 唔生性嘅媽媽想俾恐龍仔食埋第6日嘅消炎藥.. 無幾耐响床度再嘔小啖, 抱緊去洗手間又整多一劑!!!!

恐龍媽最怕係呢d嘢.. 好在, 無出事! 唉~

又再沖吓口仔換過件衫...

問佢要唔要奶奶.. 佢話: 唔駛喇!  (呢排講嘢似模似樣架!)

咁就瞓覺覺啦... 一覺瞓到天光呀!

 

辛苦哂恐龍仔... 我地以後食飽唔坐巴士喇!

辛苦哂恐龍爸.. 好在係你一路湊住恐龍仔坐巴士.. 如果唔係.. 就大件事喇!

辛苦哂恐龍媽.. 真係好辛苦! 諗返起都想嘔!!!!