芝麻小魚

尋晚恐龍媽經過屋企附近嘅health food shops, 見到呢樣嘢:

主要成份:

沙丁魚、砂糖(三溫糖)、麥芽糖漿、芝麻。

產品簡介: 使用日本著名瀨戶海特產沙丁魚,焗乾加有芝麻,含豐富鈣質.

好似幾健康咁喎~ 於是買咗一包!

今朝試吓俾恐龍仔食.. 呢隻嘢見到睇望望, 唔敢食, 鼓勵下, 都肯試, 一路咬一路好懷疑咁嘅樣! 跟住又話要食餅餅, 以為佢唔鍾意啦... 點知~ 跟住手仔有所行動! 想自己攞!!!

於是媽媽倒咗d小魚落餅盒個蓋度, 等佢自己攞嚟食啦... 媽媽都攞咗d嚟餸粥.. 真係幾好味喎~

食完一包仔, 恐龍仔話: some more!

好啦~ 開多包啦..  跟住又食完喇... some more?!

唔好喇, 留返下次啦!

呢隻嘢見到未開嗰d响枱面, 竟然爬上枱喎! 媽媽當然話唔準爬枱啦! 恐龍仔就: ok~ok~ok~

然後乖乖爬返落櫈, 仲坐靚靚添!  雙手放大腿上! ( 好一個乖樣!)

點呀? 為食貓~ 仲想要呀?

YES!

見你咁乖咁聽話, 好啦~ 不過真係last喇!

YES!!!

於是, 就開多一小包啦! 呢隻乖豬仲放咗d响媽媽碗粥度添!

到最後一條魚魚.. 恐龍仔攞上手.. 準備放入口.. 媽媽話: 我有無架?

估吓恐龍仔會點反應?

哈哈~ 佢放返落媽媽碗粥度呀!!! 抵錫!

some more?!

無喇~ 我地講好咗係最後一包架? 下次再食啦!

又ok喎~