開學喇!!!

恐龍仔d咳未清, 媽媽心大心細俾唔俾佢返學好...

尋晚問仔: 你想唔想聽日返學? 見到Miss Wong, Miss Deanie, Miss ......
恐龍仔: YES!
媽媽: 但係你咳咳喎~~ 帶口罩得唔得呀? 如果唔係.. 老師同同學仔唔歡迎喇!
恐龍仔: YES!
媽媽: 咁我地帶住口罩返學啦!
 恐龍仔: YES!

-------------------------------

恐龍媽一早醒咗.. 估唔到恐龍爸都話早d起身去遠d...
恐龍仔聽到落街, 就自己著鞋仔.. 然後揾口罩!!!!!

唔駛住.. 我地返學至戴啦!

今日~ 我地上咗後山.. 恐龍仔自己行 樓梯, 傾坡.. 路過見到小狗會主動say hello!
行到平路 (最高處) 開始攰喇! 開始要抱!
見佢咁乖.. 就抱一陣啦!

-------------------------


真係要準備出門口喇, 恐龍仔自己攞住個口罩玩 (其實係想戴), 再一次俾媽媽阻止, 我地返到學校先啦!

佢仲好主動咁著鞋, 揹書包, 仲搶住攞個鞋袋!  於是, 一路自己攞住, 一路行.. 唔俾人幫架!!

巴士上, 我地坐嘅位面前係巴士嘅停車電鐘.. 恐龍仔讀吓隻字.. 摸吓個制..
媽媽就話: 唔可以亂撳, 撳咗就要落車... 咁我地去唔到學校, 返唔到學架!

呢隻嘢摸兩吓又玩第二d嘢.. 轉頭又摸兩摸! 最後.. 忍到到達目的地! 叻叻豬!!!

返到學校, 原來我地最早, 學校都未開大閘呀!

上堂情況~

老師好多都叫得出恐龍仔個名, 個個都問佢daddy去咗邊!

大致上, 佢好熟地頭喇, 自己識放好鞋仔書包, 攞玩具玩, 放好玩具, 落堂响媽媽轉個身嘅時間, 攞咗書包同勞作 (一手一樣! 唔同地方! )

整體上獨立, 媽媽响旁邊都係提吓佢唔好爭玩具, 同埋老師叫排隊喇! (唔好掛住玩!) 之後已經坐開, 等佢自己嚟喇!

主動同人打招呼, 手偶出場爭住要握手仔! 基本上咩都有佢份, 反應最快!

10:30至11:30, 恐龍仔都叫肯戴口罩(除咗3兩次啦~) 無咳咳! 不過到tea time就失手!

笑話: Miss Deanie 同小朋友唱five little ducks went out one day....
唱咗幾句, 恐龍仔問: What are you doing?!
全場老師家長大笑!

------------------------

好多家長同小朋友影相, 話哂都係第一日返學.. 但係我地無傻瓜機呀... 無得影!  不過多謝同學仔... 嘻嘻!

hmm.. 呢次係媽媽第一次陪太子讀書, 有d感動, 真係大個仔喇! 無諗過佢開學會係點, 對於媽媽, 一切超乎"順利"!

恐龍仔响學校~就好似如魚得水, 當然要歸功於嗰兩個星期嘅暑期班啦, 但係~唔知係咪無乜人好似我地咁教仔, 好似得恐龍媽一個願意離個小朋友遠一點, 等佢自己去處理"返學"呢會事!

老師話佢好OK~

我地都好放心... 適應上應該無問題喇! 仲好主動投入.. 算聽話添, 恐龍仔係嗰d要爭第一嘅小朋友, 絕對唔係慢半拍無反應嗰d, 如果你唔見佢個影, 只不過係佢俾另外一d嘢吸引住, 唔捨得走!