恐龍整餅

星期六晚, 恐龍爸有節目, 咁我地呢? 食完晚飯有乜嘢搞呀??

不如.. 整餅囉!

恐龍媽乜都唔識, 七手八腳咁開檔.. 又要溶咗d油, 又要揾齊"架生", 仲要睇實d手仔有無搞破壞... 仲有, 睇住食譜! 手忙腳亂!

終於整好舊粉團, 可以俾人仔插手喇! (可以攞相機影相喇!)

好似好好玩咁噃...

終於.. 出爐喇! 但係.. 熱熱喎, 點食呀? 不如吹凍先啦!

恐龍仔好努力咁~~ 吹!  Auntie教我地.. 可以借風扇幫手都得! 於是, 人仔搶住攞隻碟 (睇住跌哂無得食呀!) 自己又吹埋一份!

好喇~ 可以食喇!

hmm~ yummy!

因為係第一次整餅, 時間同餅大細都控制得唔係幾好, 細塊嗰d變哂小黑炭呀!

我地總共整咗三底, 味道.. 其實油咗dd, 甜味ok, 下次可以試吓其他嘢食.. 因為, 小人兒忙咗成個鐘, 食到自己努力嘅成果, 好開心滿足!

唔知老師會唔會賞面試試呢?