我識掃地!!!!

恐龍媽有某d教仔concept係跟蒙特梭利嘅 .. 呢度有一個小例子 (俾佢地自由探索, 唔好騷擾佢地)..


恐龍仔行出行入, 走過入廚房搞掃把, 又被趕返出嚟..

之後, 問媽咪攞較剪, 問佢要嚟做乜, 佢話剪紙~

好啦~ 恐龍仔一路都未識用較剪, 要雙手剪, 練多d都好嘅..

於是, 隨手攞埋廢紙一張... 剪吓, 搣吓.. 好enjoy咁...

媽咪只係講咗句: 你搣到咁細塊, 等陣有排執呀~

然後.. 繼續努力!  突然, 人仔一支箭咁跑開咗, 原來去咗廚房攞掃把!!!!

然後, 自己掃, 唔要auntie幫, 响爸爸指導下, 自己掃哂d紙碎!

完成後, 自己大叫: 你識掃地!!!

阿仔, 係邊個掃地呀?

恐龍仔再大叫: 我識掃地!!!




事後, 恐龍媽諗: 如果唔俾佢玩剪紙, 就唔會知道原來佢想掃地!  要破壞人仔嘅大計, 其實好易, 但係要成全佢地, 就要放手...

會有意想不到嘅收獲!