意外訪客

今朝九點幾, 收到elmolly姨姨來電, 問我地朝早有無節目~

無呀~ 本來想去游水架, 不過個天好似陰晴不定, 怕凍呀!

於是, 余家就食飽早歺之後向恐龍家進發喇!

我地就玩住等啦! 首先係睇哂學校派嘅書書.. 然後係基礎漢字第二本(啱啱尋晚買架), 再幫手吹波波..

佢地嚟到都十一點半喇, 玩一陣..

小朋友們要開飯喇! 估唔到..恐龍仔碗飯大到嚇親人! hmm.. 佢未必食得哂架!

跟住到大人食pizza, 小朋友食甜批! 原來霖霖第一次食pizza架! 教壞哂添!

某本上, 今次恐龍仔惡過上次其他小朋友上嚟玩..可能因為呢次單對單, 容易保衛家園啦! 唉~ 爭玩具爭到喊哂呀!

就係呢幾隻恐龍喇! 恐龍仔好堅持要排隊隊, 霖霖又想攞嚟玩喎.. 於是搶嚟搶去, 有人流馬尿囉!

恐龍仔好苦惱, 因為佢排極都分唔到邊隻恐龍最細隻!

跟住恐龍媽又攞咗恐龍蛋遊戲出嚟.. 恐龍仔好緊張咁教霖霖玩.. 緊張到...又想喊!

呢班大人就笑哂, 哈哈!

跟住就爭櫈仔坐!

主人家爭贏咗, 不過就俾媽媽話咗幾句: 太無禮貌喇!

唉! 又要爭又要喊, 唔知幾時先識一齊玩呢?