適應期

學校安排咗漸進式適應期: 第一週返一個鐘, 要人陪~ 第二週返兩個鐘, 無得陪, 第三週開始正常, 返三個鐘~

無諗過恐龍仔係會咁.. 平時唔算多嘢講或者講嘢認真叻, 但係返到學校, 佢係班裡面少數會出聲嘅小朋友, 老師問問題, 佢會第一時間大聲叫出答案, 絕對唔會執輸!

恐龍媽個舊同學"尹臣"見到facebook度嘅留言, 都話恐龍仔"active in the group", 唔知係咪佢太太報料呢?

恐龍媽諗.. 呢d小朋友會係邊類型呢? 得把聲搞笑型? 富表演慾? smart kid型?

要教佢舉手答問題喇...

恐龍媽諗, 班裡面有個咁嘅小朋友應該係好事, 因為氣氛會好d, 其他同學仔都會有樣學樣爭住發言.. 但係初初就好, 到廿幾張咀講嘢就煩喇!