第一日自己上堂

之前一路都有人陪太子返學, 今日係第一日要自己顧自己喇! 恐龍仔得唔得呢???

事前工夫做哂, 基於恐龍仔唔係樹態/喊包類, 一路估佢應該ok架... 點知..

返到學校, 係個好窄嘅門口前面..有幾個家長, 幾個老師, 人海中, 恐龍仔自己攞住個鞋袋(書包一路自己揹住)穿咗入去, 一手俾個姨姨拉咗入去.. 連bye-bye都無講.. 就咁就唔見咗!!!!

爸爸媽媽行咗去後面, 嘗試睇睇有無位可以裝入裡面睇睇.. 見到有幾個小朋友响室內操場玩緊咋! 行返過班房出面.. 恐龍爸跳起.. 幾秒都搵唔到恐龍仔!

再跳~ Miss Wong見到佢喇, 唯有落返嚟... 班房內傳出陣陣喊聲, 家長們個個留心聽住, 好似要認出有無自己孩子嘅喊聲~~

好慘慘呀!

11點, 工人姨姨去接恐龍仔, 話佢好似啱啱喊完嘅樣!

elmolly姨姨就幫恐龍仔影咗張相..

雙眼仲有淚光!

(後面個路人... 係恐龍媽個舊同學呀! wahahahaha~ 又會咁Q俾elmolly影到!)

Andrea仲叻, 事後同媽媽講, 話: 姐姐抱dino弟弟~

咁即係有人要tum啦!

收到老師電話: 恐龍仔喊吓停吓, tum吓又ok, 都肯聽故事, 到茶點時倒咗d水去件衫度, 所以換咗衫.. 臨走, 見到其實小朋友走得, 佢又開始喊, 當老師話靜靜聽叫名, 唔係就可能遲d先走得, 佢又即刻收聲!

傻恐龍都係唔慣見唔到熟人, 雖然平時大部份時間都係自己玩..

--------------------

今日影響哂心情! 本來應該開心嘅, 變咗掛住隻可憐豬!!

牛牛一切正常~