第四日自己上堂

一早, 媽媽換好衫同恐龍仔玩一陣, 等爸爸起身~

媽咪食早歺時, 恐龍仔聽見鬧鐘聲, 就去咗入房叫爸爸起身喇!

我地又玩咗一陣...

睇見恐龍仔笑哂, 爸爸就唱:

我是一個乖孩子, 爸爸媽媽都愛我

又香又甜又好吃, 天真的笑面像太陽..

(我是一個大萍果)

到爸爸洗白白, 我地就開始換衫~ 恐龍就就要等埋爸爸一齊喎! 又好!

今日好順利咁著好圍裙, 恐龍仔仲自己攞鞋仔著添!

我地一齊出門口.. 一齊坐車車.. 然後, 媽媽响中途落車, 要返工呀! 恐龍仔都算乖, 有bye bye有飛吻!

返到學校都有d眼濕濕.. 但似乎好好多喇!

 

加油呀!

 

同恐龍爸講起, 佢唔想恐龍媽成日陪住一齊返學, 可能陪住先, 等佢慢慢適應啦!遲d牛牛大d, 媽媽都唔想轉車轉到傻啦!

hmm... 工人報告, 恐龍仔第二日賴尿呀!!!!! 呢隻仔都仲係未肯自己出聲話要shsh~ 唉!

 

老師report: 小朋友們都喊少咗喇! 恐龍仔肯主動答問題喇!