重要的一課

其實今日上咗好幾課... 通常都係唔好嘢架喇!

 

第一課~ 被拒絕

泳池嚟咗兩個哥哥 (3-6歲左右) 各手持射水玩意一支~

恐龍仔望住眼甘甘, 好恨玩嘅樣..

到我地去咗bb池玩水, 頑皮嘅哥哥想射濕哂我地頭頂嘅冬菇亭, 當然.. 我都被射中好多好多次啦~

恐龍仔實在好想玩, 於是走去問哥哥 (英文, 用錯哂嗰隻), 哥哥無理佢, 自己繼續向我地頭上射水..

恐龍仔再問, 呢次第埋唔離手嘅noodle交換! 哥哥似乎一d興趣都無, 繼續唔理呢個小朋友!

恐龍仔開始想喊喇! 可憐豬好少被拒絕架! 仲要係佢作出咗"讓步" 之後!

哥哥嘅家長响遠處休息, 無理過呢兩隻曳人..

基於我地嘅宗旨係:小朋友嘅事, 小朋友解決~ 所以, 當時大人並無加把咀, 但係就開始做心理輔導..

恐龍仔好乖, 識得問哥哥喎~ 但係人地唔一定會借俾我地玩架! 你無得玩唔開心, 下次有小朋友嚟同我地玩, 你就要同人分享, 咁大家都開刀囉!

其實好想同恐龍仔講, 玩時唔應該騷擾到其他人囉! 但係呢個唔係main point.. 所以無講到!

錯過咗時效, 無第一時間講出"失望" 同"被拒絕"呢兩件事!

有時聽完書都未必記得用!

 

第二課~ 小白鷺不在家

恐龍爸應承咗個仔要帶佢去睇小白鷺, 最後, 我地叫醒咗午睡嘅恐龍仔, 提早出發, 希望睇埋小白鷺先去探婆婆!

响車公廟站後面河邊, 見到對面岸有棵樹, 樹上有好多隻小白鷺!  恐龍爸話前面仲有.. 於是我地向大圍方向行.. 都見到有幾棵樹上有零星嘅小白鷺, 但係都係响對岸, 太細隻, 睇唔到呀!!!!

好在之前已經打定底, 小白鷺未必响屋企, 我地未必見到佢地架.. 恐龍仔係有d失望, 但係都OK!

 

第三課~ 離家請關窗!

臨出門, 恐龍媽走去窗邊, 將窗門關細 (但無鎖好~)

黃昏時候, 橫風橫雨.. 都無諗起間屋!

到返到屋企, d水漏到近門口!!!! 個窗俾風扯到好大.. 好在恐龍仔d寶貝書無乜事, 係學校嗰幾本有少少濕~

唉!

木地板... 泡湯啦!