恐龍大小習慣

恐龍仔响屋企同出街都唔著片成4個月, 之前一路都要人到時到候"的"去厠所, 最近終於有開金口嘅跡象..

不過, 佢大小都係話"ng-ng"!

--------------

近呢個月, 大便習慣好似唔同咗!

每晚瞓上床飲完奶5-10分鐘就話要"ng-ng"! 有堅有流.. 諗住下次不過去厠所坐吓先上床瞓啦~ sorry, 死都唔肯!!!

佢跟本有心玩嘢!

------------

尋晚又有新嘢:

恐龍媽6:40pm返到屋企, 恐龍仔又叫"ng-ng", 好叻叻, 痾到shsh~喇!

隔咗30分鐘左右, 食完飯喇, 媽咪同佢玩... 好似覺得條褲.. 有d濕!!! 經過工人姨姨驗証, 呢隻嘢唔聲唔聲又....

換褲啦... 又話ng-ng喎.. 再去, 又真係痾得出架喎!

好喇.. 餵藥, 恐龍仔d氣管敏感咳仲未好返哂呀!

有一支藥恐龍仔超唔鍾意, 飲完~想嘔!!! 工人仲行出行入唔"的"佢去toilet.. 終於... 唉~ (無用阿媽食緊晚飯~ 第一時間逃跑入房, 無睇睇! sorry~)

到工人幫恐龍仔除哂衫沖過身, 俾條大毛巾佢包住.. 然後自己去清理現場.. 恐龍仔又痾shsh!!!!!

小朋友~ 你搞乜個幾鐘痾到4次尿尿架?!?!?!

好喇~ 到八點半臨瞓... 仲有得痾到!! 阿仔~你係咪有病呀??!?!

---------

恐龍仔一歲左右已經係由工人陪瞓, 仲要係你想陪佢都唔要你, 要Auntie!! 最近(大約返學之後)久唔久就扭要媽咪陪!

好啦~ 不過唔准玩架, 要真係瞓架!

好幾次~ 中途話要ngng~就由工人接手!

尋晚.. 曳人都叫做ok, 只係不停咁講嘢, 轉身, 拖實媽咪隻手唔放.. 都有叫ngng架, 不過問真佢又話NO!

最後, 都瞓咗.. 搞足30分鐘, 攰死人!

---------------

話時話.. 返學咁耐, 褲仔濕過一次咋喎!

--------------

返學之後, 仲有一樣頭痛嘢, 就係勁痴身! 同埋戒咗幾個月嘅No-No-NO!! 又番發! 超扭計!

以前~ 有乜唔如意, 恐龍仔會偏咀, 跟住眼濕濕~ 有時都會喊, 不過就係有事發生!

呢排~ 係唔係都NO! 成日少少事就扭計大叫咁喊! 一日起勢"媽"~ 就嚟煩死人喇!!!! 仲要完全唔聽人講嘢.. 好似變咗第二個人咁!

依家好多時行開一陣都唔俾, 去飲啖水都要跟住, 星期六爸媽想去拍吓拖, 俾佢見到去街街無佢份就不得了囉~~~~

惡得好緊要呀!

----------------

呢隻曳人仲令到爸媽之間有d不和...

頭痛!