小聰明

恐龍仔想揾本書, 佢話係綠色嘅..
媽媽問佢係中文定英文, 佢話英文~

揾呀揾~ 本本都話唔係, 再問 English or Chinese~
佢答: Chinese!

終於俾佢揾到, 係一本白色底綠色字嘅活動書, 恐龍仔想玩貼紙! 仲識得自己"meet"!!!



呢本書中間有一頁已經甩咗, 仲俾暴龍用較剪剪過! 呢隻嘢竟然想繼續破壞!!! 最後, 恐龍媽放棄喇, 當佢仲想破壞其他書頁, 就攞咗d廢紙俾佢...

結果係成地紙碎..

恐龍媽叫工人姨姨攞垃圾埇出嚟, 俾暴龍執返d紙碎, 點知暴龍走咗入廚房攞掃把同垃圾鏟!!!!

服哂!

忍唔住~ 終於讚咗佢一句: 聰明!


--------

老師報告: 恐龍仔响學校好乖, 學嘢好快, 係有少少怕羞, 好乖~

好想同老師講, 你終於發現呢個小朋友嘅特別之處, 好多嘢都想講.. 但係怕老師覺得呢位家長誇張兼自大, 都係等老師自己了解多d先啦!