睇中咗某網上店嘅地圖, 唔記得咩原因喇.. 一路未買, 終於今日放假, 決定同恐龍仔一齊去睇玩具!
初初, 恐龍仔話要細玩具.. 去到樣樣嘢都話唔要! 搞乜?! 最有興趣嘅就係數字板! 於是媽媽話事, 買咗~ 好多好多!
世界地圖 ($58) - 打開可以插d旗仔上地圖, 姐姐俾咗中國/日本/南韓國旗恐龍仔, 佢識得自己插上去!!
(恐龍仔插咗幾日.. 1 Jan 已經K.O.咗全世界喇!.. 差d唔記得講,佢睇咗幾個月地圖架喇~)
天文地理磁性拼圖 ($39) - 想買中國省份地圖, 依家仲要有埋太陽系同世界地圖!
Monkey Multiplier ($108) - 學乘法, 遲少少先用得着
Magnetic Match Rings ($60) - 响Sam Sir度玩過, 佢地賣緊$90
動物聯線拼圖 ($36) - 有4塊, 小肌訓練
向日葵成長啓蒙 ($66) - 種子/開花 等4個stage嘅拼圖
神秘袋 ($72) - 原來神秘袋裡面係唔同形狀嘅立體
學穿鞋帶及打結拼圖 ($32) - 差唔多時候要學喇!
手抓板 - 天氣 ($24) - 恐龍仔過哂玩手抓板嘅階段, 不過見又平, 題材少見, 就買定俾牛牛啦!
最後.. 埋單唔駛$500.. 好似好多嘢咁! 然後店主話送兩個彈彈波俾我地, 恐龍媽先醒起我地原本都諗住買呢個.. 恐龍仔叫"荔枝波"嘅東西!
哈哈~ 好開心呀!
Ref: www.edtoys.hk
PS: 之前有朋友見到恐龍仔個運筆練習遊戲幾好, 我問咗店主, 佢話幫我搵到d類似嘅嘢, 遲d post出嚟俾大家睇睇, 佢會入貨呀!
Hi 恐龍媽,多謝分享,我昨天趁早收工,也上去逛了一趟,忍唔住手買佐唔少玩具 =)
回覆刪除[版主回覆01/02/2010 08:35:00]哈哈~ 睇嚟店主要多謝我幫佢賣廣告喎!
唔錯喎！等我都去睇吓先！
回覆刪除係呀,我買野果時個售貨員不停講話尋日有個媽咪帶埋個仔仔嚟玩呢樣,個仔仔好鍾意玩...我就知佢講緊你 ,亦有其他家長上去買你介紹既玩具,有些已斷了貨,你真係要收番個店主廣告費...hehe。我上次買既許多都係砌圖,但仔仔好似唔係好有興趣玩砌圖,我都仲係係度諗緊點引起佢興趣
回覆刪除[版主回覆01/04/2010 15:03:00]慢慢嚟啦.. 過一排又試試, 最好"教"佢玩多d, 我自己覺得重點應該在於觀察力嘅訓練, 佢做到空間感係bonus, 做唔到都可以教佢觀察!
d價錢都ok喎, 我都要去睇睇先~~嘻嘻！
回覆刪除[版主回覆01/05/2010 09:14:00]我check 返.. magnet嗰set, centre賣緊$90, 呢間嘢價錢ok架~
在那兒呀?
回覆刪除[版主回覆01/05/2010 13:52:00]你click 下方條link入去望望啦!
I like 世界地圖 very much and I will go and buy it. It's excellent that 恐龍仔 knows all the countries on the map ! The shop owner has also mentioned about you and 恐龍仔 in his blog .
回覆刪除[版主回覆01/06/2010 17:37:00]she asked me if she can put our blog there.. and i do appreciate her afford for finding good toys =P
啲教材好好喎! 多謝推介!
回覆刪除