牛牛@wk 21

駝老二"牛牛"同駝哥哥"恐龍仔"最大分別係: 同恐龍爸關係差咗! 呢d嘢係雙方面嘅~ 一方面我自己又要照顧自己, 又要顧住個細嘅, 唔得閒理個大嘅.. 又覺得, 佢應該就我多d!

另一方面, 可能佢都忙啦, 又要溫書考試又要返工, 而且, 佢本身都唔係識關心人嘅.. 呢幾日, 又搞到好唔開心!

好對牛牛唔住~ 媽咪唔可以經常保持心情愉快!

報告一吓啦~

wk20照咗結構, 無乜問題, 係胎盤低少少, 啱啱响子宮口位置, 要睇吓遲d會唔會升返高.. 不過好大機會開刀, 所以無乜關係啦! 仲有嘅, 就係牛牛已經比中位數大幾日! 都係媽媽d血糖高啦.. 要控制控制呀!

wk21, 見咗糖尿科医生, 一切正常, 係中午嗰餐差少少, 但医生話: 出街食嘢有味精, 味精都會升高血糖架!

好啦~ 再忍吓口, 午餐食少dd飯啦!

體重方面, 媽咪以屋企個磅計, 重咗6磅左右, 比所謂標準低少少, 不過因為本身輕微超重, 所以其實係唔錯架!  目標係重20磅左右啦!

血壓仲可以, 一時11x/6x, 一時又14x/8x! 都唔知搞乜! 上次心臟科話要睇緊d喇! 血糖一定要控制好! 遲d可能要加血壓藥..

唉~ 藥煲!