頭先又同老細傾完計.. 做埋year end review..
要揀~
(a) 不思長進, 繼續响同一個位發霉, 5-day work, 係每年OT一兩個星期準備audit
(b) 做回老本行, 不過試上一層樓, 要管人要做planning, 要付出多d 勞力腦力時間, 好大可能要返星期六! 但係就真係發揮到自己長處
c6一路覺得我應該係(b)嘅人材, 只係命水唔好, 上兩份工都遇到d衰人, 嘢就有得做, 但係功就無我份.. e+難得呢度開新公司.. 老細覺得我呆响豎好浪費
老細眼中我嘅長處: 有本行十年經驗, 包括對医生/病人, 內部運作
我自己睇自己: 會以公司立場/病人及標本利益管理流程, 會變通, 有良心.. 對時間/人手嘅控制幾好, 不過呢d嘢有時會好黑人憎, 但係因為身體力行, 同事都算肯跟隨
但係.. 屋企d細嘅又點呢? e+ d教育/學校令人心淡, 家教好緊要, 對大仔, 我幾有信心會有好嘅直資/私校收佢讀小一.. 雖然係3年後嘅事, 但係已經計到數.. 就算男拔收都無錢俾佢讀, 寧願留返d錢用嚟出國.. 如果我加把力嘅, 我地應該唔需要擔心錢.. 但係對個細嘅, 就唔會有咁多時間精神教佢, 我怕會錯過咗最重要嘅0-3歲!
好難諗!
e+(產假前後)要準備個plan俾老板.. 如果佢俾我玩佢間新公司, 我會點搞..
家庭 與 事業 ~ 點揀?
好多謝你寫出嚟, 做阿媽往往都係咁, 唔好話發"毛", 只係我覺得花時間去發展自己事業比發現阿仔未來, 我會選擇阿仔, 因為兒童係無限, 我們做左阿媽且就算再升, 可預期會係咩, 但去用心幫阿仔發展性格, 品德, 興趣...似乎更會超級預期. 我亦有同樣問題, 不過希望你唔好覺得我懶定咩, 頭幾年都係阿仔緊要點, 到佢穩定點再諗自己仲未太遲, 小朋友既事錯過就錯過了, 明白好煩既, 希望你揾到良方啦!
回覆刪除3年前我選擇了前者, c6話我沒有上進心, 連學都唔返, 他就轉完一份工接一份工, 人工當然............... 但, 晴好像不是太跟他
回覆刪除[版主回覆01/05/2010 13:51:00]咁你咪做小女人囉.. 享吓福!
我呢次其實無得揀, 跟本係迫我向前行..
享福?????? 家用一人出一半的 不過, 我好享受晴晴咁跟我, 因為小朋友會漸漸走遠, 頭也不回
回覆刪除[版主回覆01/11/2010 14:30:00]乜你老公咁架~ 一人一半家用都得!
係呀.. 付出係有回報架!