探菇菇

自從發現咗菇菇之後..

我地每朝都去探吓菇菇!

佢地由最初得3隻.. 跟住5隻.. 6隻

今日~ 有七隻咁多呀!

其中一隻~ 仲開到好大 (有恐龍仔隻手仔咁上下啦~)

呢隻就尋日已經瞓低咗.. 唔係係咪有人拉咗佢出嚟呢?!

真係有d似恐龍爸好鍾意食嗰隻 ~ BBQ蘑菇~ 呀!!!!

今朝~ 除咗探菇菇, 我地仲由平台一邊"跑"到去平台另一邊!

嗰邊有一個長期欄住咗嘅大仔遊樂場.. 有一小塊田..

同埋期待中嘅茶花! 已經好多花蕾喇!!!

其中有一朶仲開咗添~

恐龍仔好大聲講: ROSE~

唔係呀~ 不過都近架喇! 因為茶花同玫瑰好親架!

過幾日再去睇過!

恐龍媽媽早幾日拉傷腰背.. 抱起隻仔先知痛!

都幾日喇.. 仲係有d痛, 雖然已經無再抱仔..

呢個weekend 恐龍爸仲要自閉溫書.. 唉~ 好想去做按摩呀!!!!