海下半日遊

雖然今朝個天灰矇矇, 落住毛毛雨, 無影響恐龍爸媽嘅決心~

我地九點鐘出發去海下!

好奇怪, 恐龍仔响車度瞓咗~

今日嘅裝備就係涼鞋風褸同埋毛巾仔喇!

首先, 去西貢轉車, 都好多人呀! 去到~ 見到有間屋種咗好多花花~

恐龍仔: heart shape! (葉葉)

跟住行咗落沙灘, 不過d沙好粗呀! 恐龍仔初頭唔肯落地!!

有人無褲著!!!

今日d水好凍呀~ 我地都係行咗一陣. 就落雨喇!

點都要影吓個海架!

突然有d腳仔幫媽咪腳腳磨沙!

裝乜呀你?!

自己行咗去~ 指住唔同顏色嘅船仔~

跟住, 行咗去食嘢~

蠔仔炒蛋飯幾好味呀! 恐龍仔起碼無耍手擰頭!

然後就行咗一小段山路, 去咗碼頭..

d水真係好清, 我地見到好多魚仔呀!

恐龍仔算乖, 回程先要抱抱