撞瘀咗呀!

今日又係恐龍媽自己揍仔日~

恐龍仔一早就跟媽咪去公園玩..

行咗一陣石膊, 再行一陣草地.. 灑水後嘅濕泥(草)地..迷宮.. 終於到咗遊樂場, 遇見playgroup同學仔sasa~

sasa好鍾意踢波, 得閒恐龍仔就鍾意抱住波波, 仲係抱住唔放! sasa想攞返都俾!!

跟住~ 自由活動時間! 自己爬上爬落, 玩sir"樓梯" (講唔到sir滑梯!)

恐龍仔嘅能力~ 比一個三四歲嘅哥哥仲要強!!! 哥哥唔敢過橋.. 喊哂~ 而恐龍仔就扶住欄杆慢慢行..

期間.. 恐龍媽發現有人條片好滿!!! 但係明明啱啱起身無耐~ 而恐龍仔玩咗一陣唔會肯走.. 好在sasa媽仲响度, 江湖救急! (thanks a lot!!!)

跟住~ 去圖書館! 因為最近恐龍仔成日要睇"動物", 同埋屋企本動物書個分類好差, 無乜魚魚.. 所以好想去圖書館借!

一路都好擔心佢會好大聲+唔停咁講嘢.. 去到, 嘗試俾本書佢坐低睇吓啦~ 唔得! 自己行咗去!!! 叫佢跟實媽咪? 當然無效啦! 唯有"的"佢去附近, 然後隔一分鐘睇吓佢去咗去邊!!! 都算ok, 因為佢開始無不停講嘢喇!

可惜~ 恐龍媽唔記得咗揾魚魚, 但係就借咗兩本cheep-cheep!!!

趕返屋企.. 煮落飯就洗白白!

已經有d遲, 朝早又無snack, 玩咗一陣水就要起身~

呢隻衰豬當然唔肯上水-->

上咗水就shsh!!! -->   (this is the 2nd time la!)

著衫~ 又過! 一路要玩, 好唔合作! 

好喇~ 食得喇, 見到mum-mum 又 因為阿媽手腳慢, 唔夠快手吹凍俾佢! 俾佢呢? 又bu又喊!!! 因為熱熱!

最後~ 凍哂喇, 但係都係食得一半, bu到周圍都係!

呢個時候~ 恐龍爸返到屋企接手.. 恐龍仔覺覺!

瞓醒~ 去探公公婆婆, 不幸地~ 有人樂極生悲, 撞咗埋床邊, 面仔瘀咗!! 不過只係喊咗幾聲.. 又玩過!

呢日~ 攰c恐龍媽喇! 最怕d喊包, 唔合作~ 搞破壞!