又睇星星~

今日恐龍爸補假, 响屋企偷懶~ 佢話頭痛喎! (咁快d睇医生啦!)

恐龍爸報告: 恐龍仔終於識數數喇! 恐龍爸好嘢!!!

以前: 1~2~3~ (how many?) 4!

今日: 1~2~3~ (how many?) 3!!!

恐龍媽放工返到屋企, 行出行入..見到恐龍仔嘅瘀痕~ 好心痛呀! 依家係人都知有隻百厭星跌親整瘀面豬仔喇!

飯後, 恐龍走入房話要睇星星, 睇睇吓~恐龍爸都走埋入嚟! 第一次三個一齊睇呀!

恐龍仔: 一齊睇!

睇咗一陣, 恐龍媽就瞓咗响床, 頭向窗~望住天空..  (當年都係咁瞓响度睇星星~一手攞住星圖一手攞住電筒!) 呢隻傻豬想學, 但係瞓極都係腳向窗! (點解呢?)

今晚~ 有好耐無見嘅飛機, 仲密到同一時間有兩隻咁多!

仲有~ 搵被被整咗個帳篷, 一家三口躲入去望上天空睇星星!

睇咗都好耐, 開始無耐性喇~ 爬嚟爬去!

响床上面~ 話睇星星, 然後爬落床!

响地下~ 話食mum-mum, 然後爬上床!!!

到底~ 恐龍仔諗緊d乜呢?!?!?!

如事者~ 重覆十幾次!!!!

傻恐龍八點三就話要奶奶~覺覺豬, 咁好啦, 早d瞓啦! 點知呢隻嘢飲完奶仲响床玩! 笑到嘻嘻哈哈!!!

見到恐龍仔咁開心~ 佢真係唔覺得面仔痛架?!?!