練習--> 進步!

今日星期六~ 又係上playgroup嘅日子喇!

今日, 玩咗:

接毛毛箭豬~

唔明点解, 屋企d毛毛公仔就一d問題都無, 但係當見到陌生毛毛公仔, 恐龍仔就唔敢摸摸!

連接住再傳俾下一位小朋友都唔得!

玩平衡~

要小朋友企上一個類似頭盔唔東西, 睇吓可唔可以自己平衡到~

恐龍仔唔係好得呀~

(後記: 星期日响MOS公園迷宮中間個球體上面, 又企到一陣喎! 不過呢個大過個頭盔囉~)

踩d 恐龍仔最怕嘅~ 軟林林嘅 "海膽"

第一次, 行咗一半就走人! 但係都肯再排隊!

第二次好d, 俾Sam Sir 同恐龍媽夾住行!!!

然後~ 行埋一邊同海膽先生玩咗一陣~ 互相了解一吓, 增進感情之後..

第三四次都可以行哂全程呀! Sam Sir 仲讚恐龍仔叻仔呀!!! 係呀~ 好勇敢! 仲可以克服困難呀! 到執嘢嘅時候, 已經唔驚, 可以幫手執咗3-4條呀!!!

倒水~

其實~ 如果玩蒙特梭利.. 早就應該玩倒水! 恐龍媽怕煩.. 所以, 今日係恐龍仔嘅第一次!

表現~ ok 啦, 都算handle到! 當然都有失手, 佢自己無乜点濕~ 不過爸B就... 多得佢唔少喇!

彈床~

印象中~ 恐龍仔試過笑到哈哈聲.. 而佢見到其他小朋友玩~ 佢就不停咁講: super B!

到佢自己做superbaby.. 無嘈無扭~ 不過雙眼通紅! 慌失失咁樣! 驚驚喎!

不過~ 到無喊, 恐龍媽抱住一陣就回復正常喇!

Overall 表現: ok, 真係好開心見到佢練多幾次有明顯嘅進步! 努力呀!