小趣事

最近~ 恐龍仔講多咗好多嘢, 主要係我地平日會對佢講嘅說話 (e.g. 落地, 執~ ) 仲有就係簡單句子 (mami comb hair), 呢d都唔係我地"教"佢嘅, 而係佢自己學返嚟嘅~

見到佢地由唔識到識, 已經好有趣!

早幾日, 其實都提過, 恐龍媽叫恐龍仔"叫爸B起身", 恐龍仔就話: "BABA~ stand up!"

恐龍爸媽就覺得好有趣喇! 佢識得自己translate呀! 雖然~ 唔係嗰個意思!

呢期~ 我地教緊say sorry, 同埋整親痛痛, 會有得"錫返", 試過幾次有d媽mi扮哂嘢要恐龍仔&恐龍爸錫返~ 依家, 恐龍仔整親痛痛, 媽mi錫返都唔夠, 會"第"塊面埋爸B度~叫爸B錫返佢!

仲有~ 當媽mi叫恐龍仔錫錫媽mi, 佢一定唔so你! 但如果叫佢錫錫爸B呢? 佢會兩個都錫哂! 好公平架!!!  所以, 基本上, 恐龍媽想要BB錫錫, 先決條件係: 恐龍爸响附近!

甜到恐龍爸暈低呀!

呢兩日, 恐龍媽隻老bear多咗個新名: bearbear羊! 唔知係咪有人同恐龍仔講過羊咩咩呢?! 恐龍媽努力糾正中!

落地~ 其實係今朝第一次講嘅.. 只會成日聽到BB扭抱, 無諗過人仔咁快唔要抱, 要落地!!!

恐龍仔混淆"俾" 同"謝謝" 好耐喇, 佢自己俾嘢人, 會講: 謝謝5~ 到上playgroup, 阿Sir 俾嘢佢, 但係要講謝謝先~ 咁阿Sir 不停咁"謝謝", 恐龍仔就呆咗望住~~~ 不得要領! 所以~ 想教佢say Thank You~ , so far, 未係咁成功!

惡霸恐龍一路都唔識同其他小朋友分享, 呢兩日晨運時, 見到個BB, 佢走埋去俾個ball ball小朋友呀! 可惜~ 個媽媽原來唔係講廣東話架, 所以, 無乜交流!

尋晚, 恐龍爸媽响恐龍仔瞓咗之後, 玩咗樣好無聊嘅遊戲, 就係攞咗嗰set買俾恐龍仔嘅配對咭玩! 1 set 48張, i.e. 24 pairs, 玩咗3次, 恐龍媽贏2比1!!!