今日無得去街

唔係恐龍仔病~

而係恐龍爸半夜三点發冷~ 又痾又嘔!  去咗仁安, 開始發燒.. 39.5度!!! 医生話腸胃炎喎~ 多謝$65x大元! 仲未計的士錢!

咁~ 爸B病咗, 恐龍媽邊行得開呀~ 咪無得街街囉!

咪以為恐龍仔病好會乖乖食嘢~ 仲煩過以前! 歺歺都喊住要奶奶!

恐龍媽知道一早嗰歺已經要奶奶, 第二歺食其他嘢啦~~ 恐龍仔喊住要奶奶, 仲PLEASE! 呀!!!!

咁中午~ 堅決唔俾奶奶.. 於是, 食咗幾啖烏冬~ 喊! 食咗半碗仔白粥~ 又喊! 咁去瞓啦! 恐龍爸話不如俾d紙包蛋糕曳人食... 竟然笑喎!!! 食咗4-5啖啦~

跟住~ 恐龍仔一瞓.. 瞓到4点!!!  起身食d餅, 飲咗半杯豆奶~ 跟住就出街街.. 我地去咗騎木馬呀!

 

Dinner, 一樣唔点食~ 都唔知搞邊科!

爺爺出咗院, 恐龍仔陪爺爺玩咗一陣, 又食咗d餅餅至瞓~

唔知係咪今晚熱d呢, 一路都瞓唔冧..