一個出口?

爺爺入咗医院個幾星期~ 一路都係估佢無聽医生話, 所以食少咗抗排斥藥,於是自家抗體就打佢個玩咗3年嘅腎~

今日, 医生約見家屬解釋病人情況。(恐龍媽唔在場)

医生話同食少咗藥無真接關係! 呢次腎功能衰退, 係新腎嘅供血有問題, 有啲似中風, 不過唔係腦, 而係腎~ 因為短時間缺氧, 細胞壞死! 依家剩番兩成腎功能... 之後要自己洗肚, 佢個情況係唔適合洗血~

奇怪嘅~ 係個腎唔建議攞走, 但係就由3隻抗排斥藥減到1隻 (嘩~ 呢度都每月省下幾千蚊呀!), 仲大減份量!

另外~ 家庭會議: 因為洗肚會有好多"水" 放响屋企, 爺爺嫲嫲打算搬出去同恐龍叔叔住.. 我地就要幫手"供樓"~

地点~ 老人家當然想近個孫啦! 可惜叔仔响對面海返工.. 唔知最後有乜結論喇~

總之~ 恐龍家嘅居住問題終於解決在望! 為未來嘅~做好準備! (恐龍媽已經想換傢俬喇! hmm~ 又要駛錢 )

錢~ 恐龍爸話已經比原先個計劃用少好多!

希望老人家身體健康~  希望~ 一兩年後見到第二個孫出世啦~