分享: BK《幼稚園選校入學全面睇 II 》講座

恐龍爸媽星期六上晏, 留低恐龍仔响屋企, 因為去咗聽呢個講座..

《幼稚園選校入學全面睇 II 》講座

• 選校錦囊




• 如何為您的子女選擇合適的幼稚園


• 試前準備




• 要為子女報讀面試班嗎?


• 製作子女個人履歷


• 面試前減壓方法及家長之應對技巧

唔知係咪已經知道得多啦~ 恐龍媽覺得呢個talk都幾廢! 又要俾錢喎 ($30@), 個speaker又唔係從事幼兒教育, 佢係前喇沙副校.. 講來講去, 似講中小校選校多d (或者, 因為要上到某中學, 所以要入某小學~ 所以要揀邊d KG~ theory??)

ok~ 咁, 佢講咗d乜?

• 幼稚園 (KG)~ 主要係教小朋友discipline, 如果讀國際班KG, 都Ok, 不過如果小學讀國際學校, 就一定讀唔到local 中學, 你要預咗第日俾佢出國留學


• 有乜KG 介紹: 創價, 培正, 耀中, St. Cat, 國際, 啟思, 聖心, 蘇浙, 漢基, 聖公會.. (仲有好幾間..)


• 如果你想小朋友第日讀"名校", 就要讀傳統幼稚園, 因為名校係用傳統教學法嘅! 有d名校好怕活動教學/國際班KG 嘅小朋友, 佢地會上上吓堂响樹跑~ 咁樣又点教書呢?


• 仲有d ABCDE theory, i.e. 辦學理念, 距離(D), 環境(E) etc, 都係選校時要考慮嘅~


• 面試: 校長多數睇吓小朋友有無家教. i.e. 有無禮貌, 笑容之類


• 個人履歷: 放多d 攞獎之類嘅相 (e.g. 彈琴/跳舞/運動喎!!!), 最多5頁就夠, 唔好咁多字, 要多圖, 可以係小朋友玩緊嘅相, 俾睇嘅人覺得開心, 最好係自己做~ 有感染力! (btw, 唔知咁細~ 点可能攞獎, 唔通爬行大賽? 定係影相比賽??!?!)


• 有人問關於playgroup有無用, 佢話無乜用 (恐龍媽覺得佢一路都係講緊小學囉~)


• 面試: 最好daddy 媽咪都去, 學校好重視呢樣嘢!


• 面試班: 無乜用, 你搵個陌生人 (e.g. 你嘅朋友, BB未見過嘅) 都一樣, 只係試下佢肯唔肯同陌生人傾計~


• 打咗個比喻: 一樣資質嘅小朋友 (小學年年5名以內), 一個讀普通中學, 一個就讀名校.. 結果, 一個會考5個A, 另一個係7A, 点解? 因為名校老師會發掘小朋友嘅長處, 而且响大家都成績好嘅同學當中, 會較有上進心/鬥心! 反觀, 如果勤唔勤力都會响班中名列前矛, 咁~ 就自然會懶d啦!

唯一好處, 係知道作為學校高層, 佢地係点睇interview, 鍾意收d咩學生囉~

最差嘅~ 係明明話11am - 1pm, 但係12:30pm 就收工! 仲要睇咗20min 廣告!!! 講咗一大論, 好似唔多貼題, 又答唔到点做portolio!

不如~ 恐龍媽話你知, Sam Sir 点教做portfolio?

影低小朋友上playgroup/做task時嘅情況, 一定要影到樣! 咁先可以證明係佢做緊嘢! 仲有, 頁數唔駛多架!