無乜朋友~

最近, bk 0704班媽媽講開.. 話自己無乜朋友..

恐龍媽响樹諗: 講無朋友, 我地兩公婆可能係一絕!

恐龍媽有一個要好嘅中學同學, 一路on and off都有通電話, 不過唔得閒煲電話粥.. 有時都會出嚟食吓飯, 但係恐龍仔出世後就少咗好多喇!

另外嘅, 就係响BK 識咗個媽媽, 係佢搵我傾計先架~ 傾吓傾吓, 有時又一齊去playgroup咁囉~

本來, 好想同鄰居打好關係, 但係唔知係咪因為自己成日都好忙.. 唔鍾意煲粥, 唔鍾意social.. 搞到嚇怕咗人呢? 鄰居連恐龍媽主動幫忙, 善意介紹~ 都一一婉拒! 我知道, 依家就算有gathering都唔會搵我地~ 可能因為恐龍仔煩, 要早瞓啦~

其他朋友~ 結婚後都少咗聯絡, 各有各忙..

恐龍爸又係得一個中學同學仲有約吓出嚟食飯, 不過呢位仁兄好夜放工, 所以, 只有佢開工嘅時間先係易d見到佢~~~ 不過, 都係要等成個鐘, 見3幾分鐘!! 佢做乜? 咪医生囉! 恐龍仔响佢樹打針架!

有時~ 都會自問: 点解無乜朋友.. 其實, 同事之間相處幾好架! 我算係幾肯幫人, 不過做朋友好似又唔係咁簡單~

仲有: 關心人又怕煩到人, 唔識開口唔識講嘢囉~

hmm~ 會唔會覺得恐龍媽成日話個仔叻? 其實, 都知應該忍吓口, 講少d, 但係, 我又唔係响學校門口接放學嗰d, 攞小朋友嚟鬥叻!

只不過.. 想記低一d生活點滴.. 想分享一吓教仔嘅心得~

可能~ 係因為付出太少時間响朋友身上啦~

希望恐龍仔大方d, 唔好咁小氣~ 識多d朋友仔啦!