爺爺病病

今晚~ 恐龍媽返到屋企, 工人姨姨抱住恐龍仔.. 餵緊粥~ 恐龍仔食咗一半就唔願食喇!

咁好啦~ 同你玩一陣, 等爸B放工啦!

隨手~ 攞起得顏色分類嘅教具, 之前幾次, 恐龍仔都唔願分開唔同顏色, 但今日~ 又好似ok喎! 响房玩咗兩次就出廳表演俾嫲嫲睇!

到爸B睇到,覺得好得意喎~ 影咗兩張相!

一張係人仔仲掛住自己玩~ 地下係串串車仔.. 恐龍仔串完拖住行行!

第二張係俾佢發現咗: 有人偷影! 飛撲埋去.. 抱抱!

而呢個~ 係表演俾爸B睇嘅傑作!

到大人開飯~ 呢個小朋友就: 菜菜~飯飯! 係咁叫!

都餵到一大湯匙白飯, 再加d 節瓜呀!

------

爺爺..

尋日一早, 恐龍媽發現厠盆邊地下有疑似"血尿"嘅東西, 第一時間報告恐龍爸, 等佢做孝順仔~

據說~ 爺爺話無嘢!

尋晚, 爺爺話有d燒!!

(夜晚, 嫲嫲鬧咗工人一歺, 話佢整到周圍dirty, 仲向恐龍媽打小報告! 恐龍媽同工人一樣: 無應佢!)

今晚, 工人話爺爺中午去過医院, 兩個鐘後返到屋企.. 恐龍媽淨係識關心人, 但唔識做人~ 無直接問爺爺d乜, 工人話佢食到兩碗粥~

10pm, 恐龍爸媽食完甜品返屋企, 收到嫲嫲電話: 佢地去緊急症室, 爺爺有事收埋唔出聲! 原來痾咗3日血尿喇!

不過~ 呢d唔算急症喎! 唉~ 當大家見到恐龍媽咁夜仲寫緊blog, 因為恐龍爸趕咗去医院, 而覺得唔算急症嘅恐龍媽覺得唔駛咁緊張 or at least, 唔駛咁多人去!

恐龍爸又嬲喇! (呢次係第二次喇! 第二次佢覺得好緊張而我覺得有咩事留番聽朝~)

不過~ 如果嗰個係公公, 恐龍媽都唔覺得要咁緊張, call齊人馬囉!