秋天~

秋天? 係点架? 同平時有乜唔同呀??

恐龍家好多時都會落樓晨運, 呢兩個星期, 除咗見到洋紫荊開花之外, 仲有~ 就係樹葉變紅變黃變乾~ 然後落葉!

滿地都係落葉~好有秋天嘅味道!

其實, 好多城市人都話香港無秋天, 有無諗過只係大家忙, 所以見唔到... 秋天唔係呢兩日凍d, 啱啱嚟咗, 而係.. 幾個星期前已經靜悄悄..降臨喇! 你睇紫薇樹嘅樹葉就知!

(等恐龍媽weekend攞相機落樓影吓先!)

教四季, 其實唔係点駛教架! 只要每日同小朋友多描述四周境物, 你會發現~ 周圍, 其實很美!

就好似: 恐龍媽一直都以為, 洋紫荊係春天開花嘅, 原來, 係秋天至真!

仲有: 開粉紫色小花嘅樹叫紫薇, 唔開花時唔會想起佢個名, 但係~ 到秋天落葉時.. 又會突然想起, 春天時嘅紫色花花很美哦~ 然後會將呢d記憶變成聯想~~

出年再開花時~ 相信恐龍仔已經學會四季嘅變化喇!