因為大少今年報大學已收到全球十大院校嘅offer(s)，有朋友問咗我一大堆問題，咁~ 不如用Q&A模式分享啦~
* 但請留意，呢個規劃係適合學習能力高嘅學生，對目標學科有熱情，報讀較熱門/出名嘅大學
Q: 可唔可以自修公開試報大學？
A: 可以，但DSE就難少少，好似要case by case 申請，仲唔一定批，但自修考iGCSE / iAL ，甚至AP係無大問題嘅，IB就無可能，因為教師評分比重較高
Q: 呢d公開試有咩分別？
A: GCSE / AL 係英國試，i=international 即係國際版，同HK以前嘅會考同預科程度差唔多，即係中五同中七，AL嘅特別之處係中七程度，如果讀啱科，有機會响4年制學位嘅大學year 1免部份學分，一般情況係只需要報考3-4科，我仔就考咗Phy, Chem, Math, Further Math
AP係美國野, Advanced Placement，大學預修課程，可免year 1初級階段課程部份學分，AP課程聽講會較AL少，但深入，聽過有星洲人考咗20+ AP去申請美國嘅大學…
大學有寫明每個學科對不同公開試嘅要求，自行研究…
但要留意，JUPAS 有要求必需中六畢業，所以如果想” 跳級” 讀大學，經non-jupas 以自修生身份申請香港嘅大學，必需考高過DSE/中六嘅公開試
Q: 其實報英國大學，同美國大學，要求有無分別?
A: 一般而言，英國考oxbridge，除要成績好，最好有學科相關成就。只有醫科同埋imperial/劍牛先會安排面試。英國大學整體只睇成績，雖然有personal statement，但只交一份，所以其實都係報一科… 或相關學科
一般而言，考美國，除咗要成績好，有social commitment都好重要，所以建議提前3年準備。美國嘅私校會有老師負責幫助規劃，香港亦有教育顧問有相關服務。
香港嘅大學有tester 活動，多d參與~ 等孩子多d了解該科目~
Q: 點解最終決定修iAL?
A: 自己比較認識AL，亦較多前人咁做，對於能力高嘅自修生，單一” 科目” 嘅課程可能較簡單處理
Q: 預備iAL用咗幾耐?
A : 進度因人而異，孩子本身所識嘅多少亦好影響預備嘅時間，我仔係大約用咗6個月完成Further Math 同 Math嘅課程，另外再加操卷，Chem 用咗一年多，物理亦用咗超過一年 (當然其實係同時進行架啦~) ，當中係有請老師單對單教學，去整理佢所識vs課程要求，與及考試技巧，但亦有唔少前輩由孩子自己睇書做pastpaper 去考，一樣可以有好成績！
其實，iAL有網上資源，包括pastpaper 同marking scheme，所以絕對可以唔揾老師教
Q: 有說，熱門大學/學科，需要一年內完成所有嘅卷，拖長/重考會被視為未ready、無高壓力下學習經驗、唔夠成熟等等
A: 其實阿仔最後係 考咗超過一年，亦重考咗兩張卷 (打風~)
影響? 可能唔係報醫科… 要求無咁高掛，一般d人話唔想分得太開，係想知道學生處於高壓下，可唔可以正常發揮，但對於一個要返學，放學做完pastpaper 仲要做功課嘅人嚟講，到底放住假溫書考試壓力大？定係返住學仲要做功課，中間請半日假去考試嘅壓力大呢？
Q: 有無參加過d咩比賽？覺得係d乜吸引到大學收佢？有咩tips?
A: 疫情期間，邊有活動呀？最叻就係中二入咗ijso 第一輪選拔，參加咗” 特訓” ，手上有UST嘅credit之外 (from DP)，再加埋中大囉~ (我唔知呢d credit bearing 課程有無好處架~ 但入選第一輪ijso就應該唔夠亮麗喇~)
另外，其實真係要睇下佢報咩科，要由嗰個方向去計劃，要記住，頂尖大學要收成績好，同埋唔係死讀書嘅人！passion 好緊要！
Q: 升學中心/教育顧問/中介係d咩？
A: 一般升學中心係介紹學校俾家長，到收咗，家長俾咗留位/學費，學校會俾返介紹費俾呢d升學中心，亦即係提供中介人服務，有時佢地會因為太多貨(學校)，收費可能係學費嘅劃一%，所以會出現推薦家長報一d學費貴d嘅學校，或佢地會收多d介紹費嘅學校~ 學生/家長係唔需要俾服務費，但當然，如果你需要其他服務 e.g. IELTS 課程，就當然要俾錢啦！
教育顧問係一個以學生為中心嘅服務，基於家長/學生嘅需要/意願，幫你打做一個適合/吸引嘅學習經歷，增加入學機會，佢地一般同學校係無錢銀關係，所以唔應該存在偏幫某校嘅問題
我強烈建議家長們去下呢d 機構搞嘅活動，可感受下自己想要d乜，佢地又係提供緊d咩服務
Q: 咁你地有無用呢d服務？應該點揀？
A: 經過幾次去以上機構搞嘅活動，以及幾次免費單對單諮詢服務，我地發現.. 寄宿學校嘅agent係拒絕/無興趣做我地生意嘅，可能因為我地要求太特別…
而報大學呢？ 因為情況亦非常特別，就係年齡較細，佢地無呢方面嘅經驗，叻人係見唔少. 但就係未做過underage 入頂尖大學 (前人都係自己搞，無人用顧問..) ，所以出現想說服我地足齡入學，或無興趣followup 嘅情況…只有Crimson 出到個proposal… 亦俾到建議 (e.g. 遲一年先申請) ，所以，我提供唔到點揀嘅建議，都係親身去體會一下
Q: 顧問服務收費？包d乜？
A: 佢地出咗個個人化服務方案，當中包以hours 做單位嘅服務項目 (選校選科探索及建議/入學試、面試訓練、全程跟進、PS) ，全部由 ”專人” 負責，e.g. 盡可能安排相同大學相同學科嘅畢業生做面試訓練，規劃方向等，另外，我地加錢做咗個research project，顧問公司經佢地嘅network，去揾相關topic嘅學者去帶，全單超過10萬，project 好似佔一半。
Q: 你覺得俾咁多錢，值嘛？
A: 其實我地對佢地嘅跟進有d意見，最嬲嗰次係建議5間大學排序時，竟然有間未聽過嘅校名，一查之下… 竟然係英國排名中下，佢地話安全線… 但當時手上已知有起碼一個A*… 佢地一直覺得underage 係無可能入到競爭大嘅大學！而我地心目中，只能接受同科大差唔多級數嘅大學。結果，就叫佢地再出過個list…
其他跟進亦有不足之處，如入學試有10小時，有約兩小時未用，導師無提醒學生，聯絡人無跟進，之後同你講：可以改成其他補習需要時用…
又，香港負責人俾我地覺得佢一直” 睇唔起” 阿仔，覺得我地期望同實際唔相附，佢得到呢d offer係奇跡！(咁嘅態度… )
值唔值，好睇你資源情況，如果要我數成功關鍵，我相信其中一項應該係個project，如果咁計，咪值囉~ 當然，大可拆散去買服務，e.g. PS / 面試 訓練分開買的話，應該一萬蚊可以解決到
Q: 服務係响HK? 離開咗HK又點算?
A: 唔駛擔心，早响我幾年前參加ARCH嘅講座，佢地已經話可以幫到响英國boarding school嘅學生… 呢個世界早就變得無地域分隔… 最特別嘅係，Crimson 嘅support 無一個响HK… 所以學生個人响邊？完全唔重要！
Q: 咁~ 你覺得成功關鍵係乜？
A: 基於阿仔面試時有d野唔識答，所以佢事後係覺得自己in得唔好，我地亦無任何期望，收到offer的確係極意外！但講到關鍵，我自己相信係:
(1) 推薦人嘅身份同評語，我地响仔讀完DP Chem2已經邀請咗教咗佢兩年嘅導師幫阿仔做reference，佢當年已經應承咗，而我地亦有send CV俾佢update 近況 (已經叫仔send thank you email 俾呢位導師！)
(2) research project，我相信阿仔應該都學到唔少野，响小班教學嘅大學裡面，相信獨立睇資料，研究，同呢d技巧/經驗應該可以加分！ (少少可惜嘅，project 轉過人，最終負責嘅學者唔願意做推薦人)
(3) 大學學分，因為佢有修讀過DP level 2 學分課程，亦因為ijso入咗1st screening，第一輪集訓係有中大學分嘅，所以，足夠表達出佢嘅興趣同能力
Q: 其實無乜概念，仲有無咩係要預早準備報大學？
A: 大學收生會睇學生嘅視野同興趣，所以要用課外活動去落筆，要讀法律，多參與關心社會嘅活動，當然仲有辯論比賽啦~ 美國會好睇領導才能，同埋跟社區/社會甚至世界嘅活動經歷，e.g. 關懷xx活動，全球暖化等議題嘅自發活動等，簡單d，校內學會活動亦可
而單純講學術能力嘅，咁當然要去參加國際比賽啦~ (但疫情期間，慳返！)
好好記錄佢地嘅獎/活動，自從報小一開始，我已經年年更新佢份CV…
老早同孩子做生涯規劃，帶領佢地認識工作，認識唔同職業特質，引導…探索，但其實學校應該中三/高中有呢d活動
建立視野，訂立合理目標，其實UCAS填表時，只可以劍牛之間選一間，所以2019年暑假我地去咗轉英國，行程一日係牛津，一日係劍橋，join 學生帶嘅walking tour，同學生傾計，之後再同佢傾兩個地方嘅特點，建築物、環境、交通、社區等等，兩所大學教學模式都係小班，閱讀要求量高，所以真係睇鍾唔鍾意佢嘅硬件…
