What's the sound of~~

今朝~ 工人姨姨响媽mimi面前問恐龍仔:

What's the sound of CAT? 

恐龍仔:Meow~

What's the sound of DOG? 

恐龍仔: Woh~

What's the sound of COW?

恐龍仔:Mooo~

What's the sound of sheep? 

恐龍仔:Baaah~

 

小朋友~ 容乜易俾你笑死呀!

 

其實~ 最近發現, 恐龍仔真係好叻! 學嘢好快~ 兩日之間, 由1to 3到今朝1 to 10都讀到! 自己又數數吓咁!

因為兩個星期無探婆婆, 於是同婆婆傾開電話, 講吓恐龍仔嘅近況~

婆婆話: 小心d教呢個仔呀! 佢好聰明! 公公成日同人講佢個孫好叻仔呀!!!

恐龍媽聽咗, 有d驚~ 驚自己知得唔多, 浪費咗恐龍仔嘅學習黃金時間! 驚揀咗間太輕鬆太淺嘅學校, 恐龍仔會失去學習嘅興趣~

其實, 最近同恐龍爸溝通過: 我地會盡量俾Quality time 恐龍仔, 希望佢有個輕鬆愉快又有趣嘅學習環境! 盡量多d stimulate~ 而唔係要d 好貴但係坐响屋企嘅教材!

另外~ 就係堅持唔發脾氣, 唔鬧仔喇! 我地可以好proud咁講, 恐龍仔响精神良好(夠瞓)嘅情況吓, 係唔會發脾氣架! 唔係佢唔會表達不滿或者唔鍾意, 而係佢好快會俾我地成功咁轉移到目標! 佢有能力delay自己對某d事物嘅吸引力, 即有耐性 or 耐力! (睇住佢想攞又因為聽話唔攞, 個樣好好笑架!)

咁~ 係咪好特別呢? 有人話俾恐龍媽聽~係! 好多小朋友仲未做到! 

但係恐龍爸媽就諗: 呢半年我地花嘅心機係方向正確嘅! 可以繼續落去~