呢句係恐龍仔最近經常講嘅嘢~
多到爸B反感, 公公婆婆爺爺嫲嫲問係邊個教嘅~
但係, 媽mimi覺得, 恐龍仔個樣似係真係受驚喇! 呢幾日, 已經唔可以自己一個响廳玩, 會跟出跟入, 行開半步就驚驚!
今朝, 爸B媽mi俾喊聲嘈醒~ 見到成面眼淚嘅小可憐~ 連抱抱都話驚驚!
工人話: 尋晚BB喊醒咗兩次呀!!!
hmm~ 咁点好呢? 媽mimi响櫃搵到d舊年買落嘅保嬰丹~ 或者, 買埋珍珠末?
今朝歺早歺食極都未完~ 恐龍仔唔鍾意食~~ 咁好啦, 落樓啦!
响lift度, 見到"新貿飯堂"個老板娘, 時間過得真係快, 恐龍仔17個月大喇! 呢隻膽小鬼唔敢同姨姨打招呼~ 去到平台, 媽mimi好溫柔咁話佢聽:要落地地行喇! 恐龍仔依然係嗰句: 唔愛~驚驚!
好啦~ 抱多一陣啦~
再試, 呢次真係放落地~ 恐龍變咗樹熊B! 佢抱住媽mimi隻腳~ 媽mimi唯有蹲着同恐龍仔傾咗一輪~ 同佢講: 媽媽會拖實bb手~ 唔會走開~ 跟住講吓花講吓草~ 先開始拖手仔行行~~~
唉~ 希望係過度性啦! 点解會咁架??? 点樣可以令恐龍仔有番安全感呢???
做乜事突然變得咁驚驚既？
回覆刪除[版主回覆09/08/2008 11:39:00]都唔知係咪試過見唔到我地, 以為d大人會唔見哂~~ 無咗安全感
我朗少都係咁呀....呢2個星期少少野就驚驚連行開半步都想死咁....都無晒辦法...珍珠末保嬰丹傾計乜都做齊....連睡眠質素都差晒.....連黑眼圈都走埋出黎....點算好?????
回覆刪除[版主回覆09/17/2008 14:02:00]恐龍仔又ok喎~ 我地叫咗工人唔好repeat佢講嘅嘢, 發現~ 佢話驚驚=唔想, 買咗珍珠末, 食咗6日, e+好似瞓到喇!