恐龍 家 。 教

恐龍媽去咗一個媽媽聚會, 嗰度個個都對Montesorri / 學前教育好有興趣, 想出嚟交流吓~

其實, 恐龍家無話跟邊個教育家~

有咗恐龍仔時, 恐龍媽睇七田真~~ 但係香港好少人講!

恐龍仔6mth起睇 Your Baby Can Read; 12mth左右睇埋 Baby Einstein, 兩樣都唔係consultant講話要定時咁睇, 一日0-2次啦...

恐龍仔亦都無睇flash card, 因為我地play word card係唔flash嘅~ 係呀~ 恐龍仔12mth+已經認到好多字~

最近, 恐龍媽睇咗Glenn Doman嘅百科知識~ but sorry, 唔鍾意flash card呢個動作, 亦無時間整!

但係, 當恐龍媽攞起Montesorri 嘅書, 睇咗幾頁, 已經搵到共鳴: 原來, 我地做緊嘅嘢, 係有教育家支持架! 當然, 恐龍家無書裡面寫嘅都有做, 但係精神一致!

咁~ 到底我地做緊乜?

首先,  我地好認同各教育家所講: 學前(0-6歲)教育好緊要, 甚至應該由未出世開始~ 教育, 唔係單單係讀書寫紙! 學前教育係唔應該令小朋友辛苦嘅.. 因為, 家長比佢地更辛苦! 家長要响呢個時間內, 俾多d刺激佢地, 引發小朋友嘅學習興趣~

而學習, 其實就係求生本能, 曾經睇過一段片, 講孤兒熊仔俾人類帶大, 但係因為要佢地返去大自然自立, 保母要教佢地學捉魚~ 一日內, 兩隻小熊都學識喇!

咁~ 家長教小朋友當然唔係想佢地辛苦, 而係~求知識真係求生本能! 如果連家長都覺得讀書辛苦, 小朋友又点會覺得樂趣無窮呢?

所以, 重点在於, how to make it fun~

小朋友每一日都喺度吸收緊周圍嘅事物, 家長應該選擇性地製造呢個環境俾小朋友~ 呢個已經係學前教育!

我地~ 每日都落平台行晨運~

好多人話, 安排唔到, 因為好早起身返工, bb未起身, 好夜放工~~

恐龍爸好賴床架! 但係, 佢為咗陪吓呢隻早瞓豬 (~8:30pm), 佢可以起到身!

夜晚依然係問題, 因為佢多數8点前先返到屋企.. 爸/媽會盡量陪恐龍仔瞓~

我地屋企好多書~

恐龍爸睇好多唔同類型嘅書, 科學/歷史/小說/漫畫/政治/管理. 佢一路都無停過讀書, 依家讀緊日文~

恐龍媽都俾恐龍爸感染, 識佢之後, 經佢多番鼓勵下, 睇咗第一本英文小說: Dan Brown嘅 Da Vinci Code (當時尚未流行!).. 之後追Harry Potter.. 仲有其他小說.. 坦白講, 英文寫得比讀書時好好多!

身教~ 好重要, 你想小朋友做乜? 做父母必須自己做先得, 如果父母無禮貌, 講粗口~ 咁, 一定唔可以要求小朋友斯人有禮! 咩人教出咩嘅仔, 自己EQ低, 小朋友嘅EQ都唔會高!

見過d父母, 以為小朋友自己會大, 俾飯佢食, 搵人照顧就可以~~ 教。養 係兩樣嘢, 養~ 一d都唔難, 但係教, 父母嘅付出係好大架!

做咁多嘢~值得嗎?

恐龍媽好奇地問過一個小學教師朋友: 有家長支持嘅小朋友在校嘅表現係咪唔同?會乖d?

答案係: 好唔同! 成績唔好嗰d全部係無人理嘅!

有朋友好關心小朋友能否入到名校~ 恐龍媽係一個盡咗力, 唔諗結果嘅人~

從來讀書都係普普通通, 讀地區官校, 唔可以原校升預科, 去報預科, 俾間啱啱第一年預科班成績幾好嘅學校吋, 話我d成績入唔到U; 大學開學第一日, 俾個舊同學問: "咦? 你点解喺度嘅?" 恐龍媽答: "同你一樣!" 跟住3年都無理過呢個人, 之後幾次响街見到都無打招呼 (我知我小器架!)

對恐龍仔, 只要料子好, 唔怕你唔收~ 你唔收係你走寶, 唔係我地唔掂!

恐龍媽相信, 只要讀到一間中上嘅學校 (Band 1), 就已經可以, 真係對一級名校無興趣 (可能因為恐龍舅舅嘅經歷啦~ 佢讀九龍區數一數二嘅男校, 返學唔係上堂, 成日俾prefect罰抄school rules)

最難嘅~ 係教品格/價值觀 呀!