開歺@8号風球

恐龍仔食飯~ 經常都係麻煩過人!

今日, 6:30pm開歺, 走嚟走去, 唔願食!

跟住, 媽mimi攞摭出火車站接爸B, 恐龍仔大喊: 媽mi媽mi~媽mi媽mi~媽mimi!

返到屋企, 無乜進展!

媽mimi接手, highchair唔坐~ 爸B sofa呢? 都唔多願架, 不過~ 俾面地下把摭: UM~UM~ 於是, 食一啖飯, 開一陣摭!!!!

唔係辦法? 都唔知有乜計?!?! 恐龍仔發狂一樣: 坐唔定 + 不停大叫!

好喇~ 難得嫲嫲早返, 可以一齊食飯~

爸B話: 要餵埋仔先食, 等佢calm down

媽mimi話: 一齊食啦, 工人餵~

嫲嫲話: BB出嚟~ 等嫲嫲抱吓你! 陪你玩!!  哎呀~ 食mum-mum啦~ 唔同你玩住!

嫲嫲仲講咗好多嘢, e.g. 恐龍仔做完曳嘢, 爸B無表情, 媽mi黑面嘅時候, 嫲嫲會大笑: BB, 你真係好得意呀!!!

好喇~ 爸B終於出嚟一齊食, 嫲嫲話BB坐佢大脾~ 爸B話BB坐highchair~

到恐龍仔食大人飯餸~ 乖好多! 唔大叫, 肯坐定定喇!

好辛苦要佢食吓佢自己嗰碗, 点知, 佢睇中咗爸B食緊嘅西蘭花, 好啦~ 爸B俾啦! 但係無留意恐龍仔口裡面仲有啖飯, 呢隻嘢竟然為咗食西蘭花, 吐咗口裡面啖飯!

黑面恐龍媽俾笑到流哂眼淚嘅嫲嫲

跟住, 恐龍媽又再叫工人, 唔好再煮一品鍋飯喇, 將大人飯壓爛都可以~

嫲嫲就話唔得, 一定要煮爛飯!  太硬喇~ 壓唔到! (恐龍媽唔明!次次去婆婆度都係咁壓架喎!)

爸B就話: 点解請咗工人, 都要個仔食番叮飯 (工人煮一煲兩歺食)

一歺飯, 變咗論壇!

其實, 有一個難題解決唔到, 就係: 恐龍仔好難夾到爸B放工一齊食飯! 如果得嘅話, 就無哂麻煩! 工人唔駛一鍋分兩歺, 恐龍仔可以開開心心同爸B媽mi食大人飯餸!

問題在於: 佢好早瞓(8:30前), 越攰越唔想食! 但係爸B要7:30 - 8:00pm 先返到屋企! 仲要~ 食飽玩一陣先瞓!