playroom再遇大仔

今朝去到playroom, 同一個約3歲嘅大仔一齊入去玩~

唔知係咪同上個星期一樣同一個小朋友~ 但係佢嘅動靜係一樣嘅! 就係~ 恐龍仔玩乜佢就玩乜, 相反方向!

我地爬樓梯, 佢就响另一邊上去到樓梯頂; 我地啱啱玩完跳跳袋鼠, 佢就走埋嚟攞去玩; 恐龍仔指住船船個窗: window, 佢又走埋嚟話window, house (恐龍仔答:ship, window) 跟住一輪BB話對話!!

所以, 其實係第一次見到恐龍仔同其他小朋友有交流!

可惜, 呢隻小霸王响恐龍仔爬緊上滑梯時, 响另一邊爬上去, 佢媽媽終於出手阻止, 叫佢唔好阻住小朋友玩 (佢答: 我係要阻住呀!) 跟住俾媽媽捉走咗~~

今日行程豐富, lunch約咗恐龍爸美國唔舊同學, dinner約咗公公婆婆造節~~

希望順順利利, 唔好唔瞓覺覺啦!

 

.....

at night~

食lunch, 呢隻恐龍坐唔定, 於是帶佢去window shopping~ 初初都可以, 但係無幾耐已經要入鋪頭睇~~

第一站: IT

不停咁四圍鑽, 但係無碰到任何人/物件, 連衫衫都無搞! 見到鏡鏡就指住叫: 鏡鏡! 不過跟住俾佢發現咗條樓梯~~~ 就開始爬!

第二站: REISS (?)

唔知係咩品牌, 見佢無人, d姐姐又無面色恐龍媽睇, 所以都行咗好幾分鐘! 左穿右插~姐姐仲俾咗兩份信用咭申請表俾恐龍仔: 跳舞!

三点前返到屋企, 工人姨姨執緊屋: 恐龍媽叫佢搬過d櫃, 大執位! 唉~ 見到成床什物, 恐龍媽無得偷懶瞓晏覺添~

終於叫做有個地方放讀書嘅書/notes喇! 不過窗台依然係咁恐怖~

恐龍仔唔願瞓, 因為兩間房都好亂, 我地响走廊玩咗一輪, 發現恐龍仔學識咗cupboard!

跟住又出去dinner~ 仲以為唔夠瞓會發癲啦~ 点知恐龍仔一路都好定, 食咗一大碗雞肉麵麵 (係酒樓碗) + 魚魚 + 少少飯~

我地唔記得買嘢俾表弟做生日禮物呀~ 反而舅母送咗個子母水泡俾我地 (係呀~ 媽mimi無鬼用唔識游水架!) 多謝哂!

返到屋企, 爸B終於達成咗一個講咗兩年嘅承諾: 就係搬張spare床褥去垃圾站! 兩年~ 由恐龍仔响媽mimi個肚裡面, 媽mimi怕上落床唔方便; 到開完刀"滾"落床 (無腰力); 到恐龍仔跌咗落床, 做咗業主; 到恐龍仔學爬, 媽mimi要教佢自己落床~~~

好漫長嘅兩年!

依家~ 間房好似大咗好多咁!

 

最後想講, 恐龍仔呢兩日好鍾意跟媽mimi口水尾講"唔該!", 而媽mimi係一個成日講唔該嘅人!

恐龍仔真係人見人愛架!