Feel sorry to Dino

自從恐龍媽要返學, 每個星期就有一晚返唔到屋企陪恐龍仔~ 恐龍媽曾經同恐龍爸傾過, 希望佢可以返去陪仔~

今晚, 因為無堂, 只要同組同學相約坐低討論一吓個project嘅方向以及下一步嘅工作安排, 所以, 會早少少走得~

一心諗住去旺角退貨(之前買咗個有女B item嘅男B福袋!!)加上B&M買片片, 点知, 同恐龍爸有communication error, 佢响街度等我放學一齊食飯!

恐龍媽大約八点走得, 唯有死趕去meet恐龍爸~ 去到, 可以恐龍爸已經好肚餓加等咗好耐啦~~ 有d黑面! 連恐龍媽路過Citysuper買嚟孝敬佢嘅<大判燒> 都不為所動!!! 唉~ 但係恐龍媽自己都無乜心機, 覺得恐龍仔好慘, 無爸B媽Mi陪!

聽晚~ 約好同事去探另一位同事嘅初生BB~ 講咗好耐, 再唔去探佢, 佢就返得工架喇!

星期三假期, 恐龍媽又打算花d時間做功課, 唔會陪恐龍仔出街玩架喇~~

feel so sorry~~~

希望恐龍爸可以合作少少啦~

 

另外, 就係~ 恐龍爸有秘密! 佢原來早前已經同爺爺傾過, 如果生多隻恐龍BB, 屋企會唔夠地方住, 老人家態度開放, 咁~ 就睇下恐龍爸想等d樓價落返少少買間五六百呎嘅樓, 定係租喇! 点解兩老要住五六百呎? 因為恐龍爸唔想兩老住蚊型屋, 佢想大d添, 不過~ 能力所限!  租金依家仲係高過供樓~ 睇吓点啦~ 可能供得嚟, 就係恐龍仔17年後嘅大學學費! (所以, 朋友~唔好再叫我做儲蓄保險/教育基金喇!)