Baby First

今朝~ 如常行晨運~

特別在, 我地見到一條好細嘅百足! 媽mimi同恐龍仔講咗好長編大論嘅"廢話" (我地要愛惜小動物呀~恐龍想起腳~唔可以踩小動物架! 會痛痛架! ....) 轉個頭~ 一腳踩住半隻蟲蟲度!!! 小百足郁咗兩吓~ 就無再郁喇!!

跟住~ 爸B同媽mimi當然又係說教時間: 小蟲蟲痛痛喇! ~恐龍扁咀~ 唔郁得喇! 我地唔可以傷害其他小動物架.... 好啦~ byebye蟲蟲啦!

(多謝百足先生, 我地今日上咗一課  : 愛護小動物/死亡!)

...

恐龍仔每朝行完晨運都會睇一陣Baby First~ 之後奶奶覺覺豬~

今朝, 媽mimi公司有活動 : 11am返公司-->海鮮午餐-->戶外活動-->酒店BBQ Dinner(今晚嫲嫲煮大歺, 媽mimi無得BBQ) 所以得閒陪恐龍仔睇TV!

呢隻嘢一路睇一路笑~~ 又會跟住apple~apple咁讀 呢個節目唔錯架! 睇住個傻仔睇到笑吓笑吓就知!

工人報告 : 恐龍仔可以順序講 one to ten喇! (其實媽mimi尋晚都見到佢講six to ten) 好叻仔呀!

...

恐龍媽有嘢講:

從來無諗過幾時會學識, 一路都係由生活環境着手, 呢個學習環境同學校有一個好大嘅分別, 就係無要求一講就識, 唔駛做功課/測驗/考試, 大家都無壓力! 就好似 your baby can read支歌仔話: learning is fun!

好奇怪, 我地對小朋友其實係無要求嘅, (佢做到嘅~ beyond expectation~ 每日都有驚喜) 希望將來都係!

btw, 恐龍仔無講驚驚喇~ 唔知係珍珠末定係恐龍媽嘅功勞呢?