關心?

成年人, 好多時對長輩嘅關心.. 認為係煩事! 我都係個咁嘅人!

近月, 無聊舅父玩FB, 問題就出現喇!

FB, 對於女人, 係一個有人"聽"你講嘢嘅地方 (at least 自己覺得有人睇到!) 女人~ 係一種要講自己嘢嘅生物, 所以, 有人報喜, 有人訴苦! 唔識趣嘅男士 (應該去睇睇Men are from Mar, women are from Venus) 竟然熱心去幫手"解決"問題!

唉~

都唔知點搞好.. 我訴完d辛苦嘢, 仲要安慰佢: 我好快無事架喇!

其實佢都係一片好心, 介紹我睇中医, 之不過, 係人大肚都有d唔舒服架啦.. 駛唔駛搞到要睇医生食藥呀? 我食中藥實嘔架喎! 唔通我呢排仲未嘔夠咩!

唉~

一陣又話我唔食嘢 (唔駛擔心, 我有20磅肥膏頂住!) 一陣又叫我休息多d (咁恐龍仔呢? 忍心唔理佢咩?) 一陣又話驚我腳腫 (我血壓高, 唔腫先怪, 但係腫又無感覺嘅~~)

其實最辛苦嘅, 係肚餓但係食唔落! 已經迫自己食多兩啖, 返轉頭又作嘔! or 真嘔!!!

流鼻血係煩囉, 不過小事啦! 抽筋? 都係小事! 瞓唔得好, 醒咗瞓唔返就真係幾煩! 不過~ 都係攰d, 講唔上辛苦~

呢胎, 暫時叫做辛苦dd, 不過平安大吉就係福氣, 有驚無險就算! 我從無幻想過會無風無浪咁過呢幾個月.. 少d風浪已經好開心!

最緊要嘅~ 就係食得瞓得(個細嘅~唔係我自己!), 千忻唔好似哥哥咁鬼煩! 唔識瞓又唔願食!

btw, 可能全世界都知, 係得公公婆婆未知! 好複雜.. 我唔想要兩老擔心, 過多個星期再算!