第二胎~ 都無諗過會順順利利.. 但都唔駛咁早就咁多事呀?!?!
照OSCAR嗰日抽埋產前驗嘅血.. 嗰日啱啱食完lunch上診所, 等咗一個鐘, 小便有糖, 医生話要飲糖水喇!
好啦~ 最近公司忙d, 唔想請咁多假, 於是就叫d朋友攞d葡萄糖同血樽小便樽俾我.. 諗住叫同事幫我抽血, 然後自己攞去診所俾錢做啦...
今日收到電話.. 通常結果, 兩個鐘嗰次糖有9.4喎~ 要睇專科!
唉~
真係唔想請咁多假! 可唔可以過咗11月中先嚟搞事架???
個糖尿科個姑娘好似好緊張, 覺得我要快d見医生, 下個星期見都遲咁~ 唔明!
糖尿.. 相對血壓高, 小事啦!
何況~我已經少食多餐, 除咗唔食白米改食糙嗰d之外..唉~都唔知有乜可以做到!
--------------------------------------
夜晚, 响bk收到關於同類療法嘅pm, 又再進入一場迷思: 西藥係咪唯一嘅路? (好明顯唔係) 咁~我應該試嘛? 可信嗎?
對於另類療法.. 我持開放態度~
中藥? 恐怕我吞唔落!
中e，真係可以一試。
回覆刪除[版主回覆10/27/2009 10:01:00]我都諗緊.. 不過未必食藥, 只係想改少少飲食嘅嘢~
可以試下中醫喎. 我知道灣仔有個中醫睇大肚婆好好0架. 你要唔要 試下???
回覆刪除[版主回覆10/27/2009 10:01:00]yes.. please!
我都係糖尿呀, 姑娘又係好緊張咁要我即刻睇, 但我都搞到聽日至去睇, 其實我已經無咩食o野, 就算食o左o個少少都嘔返出o黎, 都唔知可以點, 我都想試o下睇中e呀!
回覆刪除[版主回覆10/27/2009 10:07:00]唉~ 我同自己講: 糖尿係分秘問題, 唔等於長時候血糖過高影響bb~
但係已經嚇到我肚餓都唔敢食咁多, 由少食多餐變成 食少少~餐都少埋! 真係想肥都難!
其實最驚係之後有手尾跟(自己身體），你甘早發現，可以快點 treat / try alternative therapy, 都未常唔好。。。
回覆刪除[版主回覆10/28/2009 06:18:00]係呀~ 不過應該機會唔大 其實我最怕妊娠毒血, 小朋友早產身體一定爭d架!
現在我睇緊的中醫師是食中藥粉的, 唔難飲
回覆刪除晴晴blog內有湯方降糖尿, 懷孕婦女可以飲用
[版主回覆10/29/2009 13:40:00]Thanks~