第一次去藝術館

一早, 天未光, 聽到有人慘叫"奶奶!" , 又晨早要飲奶?

恐龍媽瞓返.. 再醒.. 係聽到有人話: I don't want to sleep!!!

望望個鐘: 7點!  工人話, 5點醒咗無瞓過! 吓?! 大鑊!

-----------------------------------------------------------------

我地之前買咗博物館年票, 所以定期都會收到個叫場館嘅通訊, 都會俾恐龍仔睇吓d圖..

今日, 因天雨關係, 取消戶外活動, 恐龍爸建議去睇"橋"喎~ 咩橋呀? 原來係..

今期藝術中心個展覽係.. 繁華都市

展覽廳外就有一大幅畫連古今對比! 恐龍仔花咗好多時間去搵"一喺邊度? 二喺邊度?? "

叫佢細聲d, 佢就重覆又重覆.. 幾次之後先細聲一次!

到真係入展覽廳喇.. 門口個叔叔不停望住恐龍仔.. 唉~ 仔呀, 你再係咁大聲就俾叔叔趕走架喇!

喊!!!

帶咗佢出去訓話! 好啦.. 俾多次機會你, 不過如果再大聲講嘢就要出返嚟架喇!

呢次好咗d..  不過抱多一陣就話要落地, 仲走去人地睇緊嘅地方, 一邊講"唔好意思"一邊鑽咗去人堆前面!

 恐龍爸問邊個教架? 咁屋企邊個最好禮貌呀?!

玩多幾玩, 又開始甩繩喇! 一個人仔行出行入.. 有兩個跟班尾隨.. 笑死館內嘅姨姨!

最後.. 都係要使用暴力之下出返去, 恐龍仔喊哂"唔駛出去!"

其實佢真係好鍾意睇d畫, 可惜咁細未識得規矩, 無計啦!

最後.. 飲咗少少維他奶, 恐龍爸抱住.. 行到巴士站已經半睡眠狀態, 巴士到時已經瞓咗喇!

辛苦哂恐龍爸.. 今日抱咗好耐仔呀!