傾電話

恐龍仔一路都未識傾電話.. 多數係聽吓, 然後攞落嚟睇吓.. 跟住要"收線"! 因為佢要玩123!!!

 呢晚~ 爺爺嫲嫲到訪, 恐龍仔玩得好開心..

到爺爺嫲嫲要走, 唔知点解恐龍仔玩緊嫲嫲部手提.. 咁點算呢? 媽媽出盡百寶都唔能夠令恐龍仔放過部手提! 最後嫲嫲攞起屋企個家居電話, 話同佢玩傾電話喎~~

傾咗兩句就收咗線~

過咗一陣, 嫲嫲又打嚟.. 恐龍仔好用心咁聽 (不過唔識俾反應~) 恐龍媽好似聽到嫲嫲話: 話俾媽媽知~ 大門無鎖好!

講咗好幾次~

然後恐龍仔唔出聲行咗出廳.. 去咗大門, 然後擰個鎖! 將個大門鎖好!

跟住.. 媽媽教恐龍仔話俾嫲嫲聽: 大門已經鎖好~

佢一本正經個樣好好笑架!