中秋節2009

今年嘅中秋, 過得好開心! 雖然舊年都有落街玩燈籠, 但始終嗰時得歲半, 未係太識講嘢, 亦都知佢知幾多..

今年就唔同囉!

瞓醒晏覺, 發現嫲嫲帶咗好多水果上嚟..  有好易爛嘅"柿子"

恐龍仔似唔似講緊: 請你食個呀?

搬完一大輪.. 終於發現stitch有兩隻大耳朵!

斗雞眼stitch...

晚飯時間, 恐龍仔照例.. 食少少! 之後就開始勁歌熱舞! 大胆人仔仲熄咗爺爺開嘅電視, 爺爺no complain之餘, 6個大人就咁睇住呢隻嘢發癲.. 睇咗成個鐘!!!

呢4隻"小不點"本來係d藥廠贈品, 恐龍媽見有magnet, 就俾咗恐龍仔玩, 估唔到真係做咗佢嘅little buddies!

原來佢識得單腳喇!!!

之後加演"look"地!

然後我地落樓.. 恐龍仔話: 一齊賞月! (唔知係咪老師教嘅呢?)

今先無膠燈籠, 呢個楊桃係嫲嫲贊助, 恐龍媽揀嘅, 緊決唔買電燈! 恐龍爸搵返d舊蠟燭同埋長咀火機, 幫恐龍仔點好燈籠..

嘩! 真係好靚靚呀! (可惜無帶相機落樓啦!)

恐龍仔自己攞實個點咗蠟燭嘅燈籠.. 唔俾人幫手架!  不過小朋友都係貪心架喇, 見到人地嘅螢光圈圈又想要!

到送爺爺嫲嫲走, 呢隻嘢好唔捨得, 因為.. "仲要玩!"

最後.. 我地點咗兩支蠟燭, 入lift時將近燒完, 咁啱有一家4口入lift, 哥哥最後入, 有d盲中中咁撞咗燈籠一吓..  恐龍媽只係叫恐龍仔企埋d.. 小心d, 估唔到有少少蠟滴咗落哥哥隻腳度.. 佢阿媽無出聲.. 恐龍媽又唔出聲.. 不過恐龍媽喺度諗: 其實係唔係應該教阿仔say sorry? 但係好明顯係佢唔睇路就跑入lift仲要加個自轉先會撞到個燈籠! 不過.. 少少蠟.. 唔c得嘅!