氫氣球

其實~ 都知依家d氣球唔用氫氣架喇, 不過又唔知點叫好.. 都係用返個舊名啦!

----------------

國慶日, 恐龍家無乜慶祝活動, 只係想懶吓加陪吓恐龍仔~

一早, 我地去咗超市shopping, 恐龍仔好堅持咁話去百佳, 而恐龍媽懶, 唔想行咁遠, 都係鍾意惠康多d (仲有印花儲呢!)

行完街, 原來恐龍爸已經醒咗! 仲諗住俾佢瞓多一陣添!

跟住, 我地玩咗一陣, 然後出發去西貢! 食個early lunch~ 我地去咗pepperonis食pizza, 不過恐龍仔雖然學識自己叉意粉, 不過都係唔願食嘢.. 不過又真係幾難食!

跟住, 俾恐龍仔見到有飛飛氣球, 於是恐龍爸就帶小朋友去問姐姐攞氣球..

我地成功攞咗個深藍色氣球呀!

呢次應該係恐龍仔第一次玩氫氣球, 隻傻豬怕個氣球會飛走, 竟然一路捉住個氣球, 唔肯/識攞住條繩! 已經幫佢綁好响褲頭, 都係要搵人求救!

好搞笑~

我地仲响海邊行咗一陣, 睇魚魚~ 恐龍仔又扭計要坐船船! 跟住不停咁話唔駛返屋企! (超爛玩, 出親街都唔要返屋企!)

之後, 呢個氣球仲成為能医曳人嘅百寶添!

仲玩咗一陣boxing...

一樣看似簡單不過嘅事物, 竟然玩到大半日!