隔離飯香

約好咗Andrea去沙田玩, 因為恐龍爸夜瞓, 所以恐龍媽單拖其湊隻曳人出去..

出到沙田大會堂附近, 外傭集中嘅一角, 恐龍仔見到d包裝餅仔, bun姐姐送咗一包俾佢 (靚仔~ 食唔食餅呀?), 第二個仲想俾.. 恐龍媽當然no~thanks!啦~ 曳人即刻要打開!!! 好啦... 估佢唔到, 好鍾意食喎!

難得一邊食都餵咗兩啖俾媽咪~

再行.. 呢次係佢走埋去撩人! Hello~ Hello~
bun姐好驚訝~ 佢問媽媽點解小朋友識講bun話?! (吓?!) 話佢講: what is this? How much
hmm... 阿仔, 你好鍾意工人姨姨喎!

跟住.. 我地去咗圖書館..
當然唔係睇書, 係搬書啦~ 睇睇吓嚟咗個細過佢嘅妹妹.. 咦咦呵呵咁, 人哋講乜恐龍仔就重覆一次! 吹山歌一樣!



之後, 媽媽想去厠所, 恐龍仔都好合作, 佢仲話急急, 忍住忍住添..

睇睇鐘, 11點喇! elmolly姨姨同Andrea仲未見人, 又話出嚟玩嘅?

我地去咗一citysuper買咗個紅豆燒餅坐低坐.. 然後.. 倒哂媽媽樽水!!!!
好啦~ 買apple juice飲啦~ 但係買咗唔飲! 呢個時候, 曳人發現隔離有bb車, 佢走埋去say hello~hello!
然後, 佢見到人哋父母食緊嘢.. 佢竟然: 張大個口 "呀"!!!!

嗰位太太好好, 俾咗條腸呢隻為食貓.. 佢咬咗幾啖, 然後話好硬! 跟住俾返人!

恐龍媽唔想佢再搞搞震, 又係走人嘅時候喇..

呢個時間, Andrea同恐龍爸分別現身, 恐龍媽有救喇!


玩咗一陣就去食飯, 恐龍仔呢次醜態畢現! (唔停咁搞鞋, R痕, 起身, 搞人, 要落地, 要抱, 唔要食嘢, 郁d就喊, 勁扭計~~~ 總之一句----- 煩!)

唉~ 難為我地捱咗兩日喇!!!!

夜晚.. 又再重覆一次搞搞震... 阿仔呀? 你停吓唔得?!?!  呢隻嘢仲有樣嘢好衰嘅, 就係"唔駛食蛋" "唔駛食蝦", 但係如果你唔出聲呢? 佢會吞架!

衰格!