又病喇! 唉~

見恐龍仔d鼻水仲未清.. 咳都清哂喇.. 係時候要睇睇医生..

於是叫工人姨姨响恐龍媽放工時候帶恐龍仔出嚟啦~

6:15 pm, 收到電話, 話恐龍仔玩到唔願走.. 佢地e+响唔知邊度..
當時, 恐龍媽未上火車, 叫佢地去診所先

6:35pm, 恐龍媽飛奔去診所, 見唔到佢兩個, 打去揾佢地.. 工人話: 睇完医生喇 (!!!!) e+過緊天橋..

吓?!?!? 我想同医生對話先叫你6:30pm 出嚟, 竟然睇完走埋都唔打俾我?!?!
嬲得我呀!

返到去, 嫲嫲話佢趕住煮飯喎(!)

問佢医生講乜? 佢話開番一樣嘅藥.. 呢幾日唔好返學!
咁對眼腫哂呢? 講咗~ that's y 要唔返學~

媽媽都知有人鍾意揾衫抹鼻.. 有時又會手仔抹完鼻再捽眼! 唉~

到嫲嫲走喇, 恐龍仔就變咗隻嗲精, 扭紋喊! 個樣好辛苦咁!

最後.. 問佢想唔想早d瞓呀? 佢諗咗一吓, 然後答yes~  (平時唔願瞓覺架!)

突然恐龍媽心血來潮, 同佢探熱: 38.6C!  即刻panadol啦!

隻仔飲完奶奶就瞓着咗喇~ (今日係"要auntie~" 唔要爸爸媽媽!)

好心痛.. 到底咩事呢? 聽日再去睇多次医生!