成個九月, 恐龍仔情緒都唔係好定, 成日郁d就喊, 扭計, 要媽咪, 乜都NO!
我地都估係唔適應新生活.
呢個星期, 終於見到少少進展, 就係唔再做"NONONO"怪物~
不過都仲係"唔駛"呢樣, "唔駛"嗰樣!
包括: 唔駛瞓覺! 唔駛奶奶! 唔駛返學! 唔駛返屋企! 唔駛食飯! 唔駛沖涼! 唔駛shsh~ 唔駛爸爸!!!
好嘅.. 係終於肯自己食幾啖飯喇!
阿仔~ 努力呀!
其實見到老師响手冊嘅comments.. 有d開心架! 不過諗深一層, 其實又唔係咁特別, 希望恐龍仔繼續努力啦!
上個星期, 恐龍媽進入咗一場轉唔轉校嘅迷思: 到底邊間學校適合呢個仔呢?
最後都係.. 算啦, 一動不如一靜, 呢間都好好架喇!
點解諗轉校呀?係k1時轉定係n1期間轉呀....
回覆刪除[版主回覆10/15/2009 17:09:00]K1轉.. 因為呢間唔會100%收哂上K1, 所以要搵定d backup, 咁又唔會搵好多間, 揀得都好好嘅.. 然後就會諗.. 有幾好呀? 係喎~ 真係好好喎...
然後又諗返原先個問題, 邊間先啱呢?
咁你心水邊幾間做back up呀?創價會可係其中之一?
回覆刪除[版主回覆10/16/2009 16:12:00]我地傾向一d 課程深d上, 傳統小學適應上問題不大嘅KG. 我睇過創價個視學報告, 的確好好, 但係活動教學並唔係我地想搵嘅嘢~
如無意外, 會報SC/KV/Ascot hkps
「唔得.. 大不了出年再嚟過囉」~~同意
回覆刪除聽講think ok架.. 讀住先啦!」~~不過我冇報佢嘅K1，反而報咗鄰近嘅boxhill、靈糧堂同EFS....其實劍明口碑都唔錯，你覺得呢?
[版主回覆10/21/2009 21:36:00]如果target傳統小學, EFS唔啱, 我知boxhill d小朋友都入到傳統小學, 但係始終唔係local課程喎..
靈糧堂~ 偏向活動教學
KM喺適應小學上應該ok.. so far, 已經有功課, 要認字, 老師幾caring.. 有outdoor playground, 叫做樣樣平衡
其實我都真係報咗好多幼稚園，但如果真係咁唔好彩，仔仔interview唔好冇一間好啲嘅收，咁boxhill/efs當係個backup，等佢讀一年再做大仔....不過而家好多野都未決定到......
回覆刪除[版主回覆10/22/2009 09:00:00]hmm.. boxhill無乜位架.. 都好多人爭, 如果你真係諗backup, 不過報康傑啦! 有outdoor playground 校舍大, 有NET/PTH上, 課程深, activity 多!