鼻涕蟲

話說~ 恐龍媽今朝唔記得打電話返學校幫仔請假~

黃昏時份, 黃老師打嚟問恐龍仔情況..

恐龍媽答: 都係仲有d鼻水同咳咳啦~ 呢隻曳豬流鼻水鍾意用衫衫抹, 一係就用人哋件衫抹, 太唔合衛生喇.. 我要教佢自己用手巾仔抹呀~ 佢咁樣點得架! ....

黃老師: 唔係喎~ 佢响學校好乖架! 識得話俾老師聽要抹鼻鼻架... 會唔會响屋企蝦你地呀?!


ok~ 咁乖呀?!?!?!  (都唔知好嬲定好笑!)

恐龍媽返到屋企.. 講返俾恐龍仔聽.. 佢個樣係: 自信滿滿, 咀角帶笑, 好似知道自己真係好乖咁架喎!!!



好啦~ 見佢個鼻有d濕, 遞條手巾俾佢.. 佢笑笑口抹咗幾吓.. 然後話: 抹鬍鬚!



呢隻嘢古靈精怪!

俾咗d雀仔郵票佢睇, 諗住佢睇完唔要, 咪叫工人掉咗佢啦~

恐龍仔: 仲要!!!
恐龍媽: go and ask auntie by yourself.  Tell auntie "keep it pls"~  (well.. 最近要準備英文面試~)
恐龍仔一路行一路嘗試repeat媽咪嘅說話, 然後knock knock厨房問.. 大聲講: Don't Drop!

估你唔到啦~

恐龍仔話: 爸爸係大人!

咁xx呢?  (xx=恐龍仔個中文名)

恐龍仔話: xx係大個仔!

夠鐘瞓喇~

恐龍仔: 唔駛瞓覺!

擦牙飲奶奶喇!

恐龍仔: 唔駛擦牙~唔駛飲奶奶!

咁好啦~ 俾dino (佢隻恐龍公仔)飲啦!

恐龍仔: 唔俾dino飲奶奶!!!

咁好啦~ 快d去擦牙覺覺啦~ 要快d呀..

恐龍仔走咗去浴室.. 爬上櫈準備擦牙!