"大腳仔" 近況

恐龍仔呢幾個星期, 扭抱情況嚴重! 可能復活節假前後成日出街, 所以抱多咗啦~ 佢會抱住你嘅雙腳唔放! 如果只係拖住手叫"抱一陣"都好d, 可以同佢跳吓舞, 轉完一輪, 佢掛住笑就唔記得要抱架喇!

另外一樣趣事~ 就係每次話: 「大個仔喇~ 要點點點...  」恐龍仔就會好開心咁話: 「大腳仔~」

然後不停咁講~不停咁笑!

傻仔!

呢個long weekend, 無乜特別事發生, 恐龍家依然各有各忙! 不過恐龍媽都係走咗去溫書.. 半日咁多! 節目? 都無乜特別..

同舅公飲咗餐茶, 臨走舅公抱抱, 發現有人條褲... 好濕! (恐龍仔有禮喇!)

行過吓公園囉~

帶恐龍媽去playroom玩咗好耐, 唔願走!

爺爺嫲嫲同恐龍爸忙搬屋, 好耐無試過湊足一日仔嘅恐龍媽.. 安全平安渡過! 無任何不愉快事發生, 除咗~ 恐龍媽唔夠瞓.. 响床度陪恐龍仔玩.. 瞓着咗兩三次!

好多謝恐龍仔錫住媽咪!

呢個假期~ 我地仲騎咗兩次木馬!! 老遠見到星仔由一個uncle抱住路過睇木馬..

呀~ 流感影響下, 無得返playgroup喇!  會所話退錢喎! 都唔知幾時先見到Sam Sir喇!

同恐龍爸傾開計, 講起呢排忙, 大家都無之前咁用心教新嘢, 特別係諗住就嚟返學! 依家唔返學喇~ 睇嚟.. 等恐龍媽考完試, 我地執好間屋, 就要睇吓有乜嘢玩喇!

恐龍仔依家認到: 地/下/大/水/一/二/三/山 etc 嘅中文字, 恐龍媽想搵d好聽嘅廣東話兒歌呀! 恐龍仔呢期最愛嘅係本英文song book! 識唱好多歌仔喇!