母親節

今年母親節.. 恐龍仔係主角 (有乜家庭聚會唔係主角呀?!)

一早, 恐龍媽帶恐龍仔去超級市場買咗一束康乃馨, 然後上樓探嫲嫲! 响架lift度, 恐龍媽叫恐龍仔攞住束花, 話係送俾嫲嫲嘅~

恐龍仔見到嫲嫲打開門, 然後好大聲講: 送俾嫲嫲!

嫲嫲當然開心啦~

之後~ 我地去咗飲茶..

然後去豐澤玩咗一齊雪櫃門.. (嫲嫲帶恐龍仔去擇雪櫃~)

再去平台遊樂場玩咗一陣.. 之後就返屋企午睡~

-----

四點幾~ 俾婆婆吵醒午睡中嘅恐龍媽, 於是~ 一家起行去婆婆屋企~

恐龍仔被抱咗出街, 又無瞓返, 又無發脾氣, 一路上响巴士都好乖!

跟住~ 又買咗束花, 送俾婆婆~ 呢次恐龍仔無今朝咁醒神喇, 只係送咗束花去婆婆手就算.. 走咗去玩!

不過~ 婆婆都好開心~

-----

買兩束花~ 恐龍爸都唔响身邊.. 無任何表示!

無人記得恐龍媽都應該享受快樂母親節!