升小選校全攻略 讓孩子贏在起跑線上

收到一位0704嘅媽媽邀請, 參加咗呢個講座, 去到先知係小圈子講座, 仲要收二百蚊添!! 不過朋友俾咗錢, 就聽吓啦...

資深中小學校長兼家長教育專家呂令意校長主講，教我們如何部署選校策略，並從小培養孩子的良好品格和積極的學習態度，各父母或準父母萬勿錯過！

雖然佢答唔到我近期最大"煩惱", 好多嘢都係已知/做緊嘅, 但其實都有得着嘅.. 以下為講座大綱:

• 直資學校得到嘅政府資助其實同津貼小學一樣, 而因為係以人頭計錢, 所以.. 其實d學校同d家長一樣咁緊張! 個個都好想早d confirm學生!  同津小主要分別係.. 直資要自己負責學校維修保養費用


• 直資因為自付盈虧嘅關係, 老師一般薪酬可能比津校為低, 流失率較高(部份高達50%)


• 現時嘅直資分兩大類, 一類為出名嘅舊校, 想多d經費提高教學質素, 就轉直資, 收多d學費; 另一類係面臨殺校嘅學校, 校董會想繼續做, 就唯有轉直資喇..


• 選擇學校時, 要留意辦學團體, 校風, 老師流失率, 校長..


• 要小朋友面試時表現好, 家庭教育好緊要.. 要培養小朋友成為一個有自信有禮貌自律嘅小朋友


• 呂校長話見學生兩三次, 就知道家長係d點樣嘅人.. 學校鍾意收d有自信嘅小朋友


• 想小朋友有自信, 就要俾多d成功嘅機會佢地, 可以係大小唔同比賽嘅獎項, 亦可以係生活上各種嘅讚賞, 家長可以自製成功機會俾小朋友, 等佢地多d自信心

其實之前同一位中學教書嘅大學朋友講起, 佢都話唔好揀新派直資, 老牌名校就當然無問題, 因為如果個校長唔掂 (可以係有心無力, 可以係用錯方), d老師頂唔順 (壓力大但做唔到成績, 校長要求過高.. )就自然揾路走, 唔好講出面人工可能仲高d添!如果老師流量大, 一定好影響教學質素!

講嚟講去.. 到低邊間學校啱呢???

就要靠家長做功課同睇吓有幾了解個小朋友喇~~~

唉~有講等於無講!!!