今日無特別節目, 諗起一田有bb展, 屋企又要入貨, 於是問恐龍仔要唔要跟媽咪去shopping.. 佢當然話好啦!
去完超市, 買咗一大車乾貨 (送貨呀唔該!) 我地就向一田出發!
出到一田, 恐龍仔似乎對所有嘢都充滿興趣! 媽媽先醒起: 我地從來未帶過呢隻仔逛街!!!次次都係去食飯.. 只會點對點, 真係未試過逛百貨公司!!
大件事!!! 呢隻仔好似大鄉里咁, 乜都要摸吓! 佢竟然想搞d太陽眼鏡!! 大驚~~~
真係搶又唔係, 又唔可以叫佢放手.. 萬一爛咗就麻煩喇!!!
唉~~~
今日好多大肚媽媽, 佢隻monkey四圍走四圍搞, 真係好驚佢整到人!!
幾經辛苦, 任務完成: 0/3 baby 床欄 + 長袖body x3 (for 牛牛) + bb車掛鉤 + 有機綿衛衣兩件 ($69@) ==> 送貨呀唔該!
呢個時候, 恐龍仔已經叫話要走喇.. 好啦, 食飯啦..
恐龍仔咁大個都冇行過百貨公司? 咁平時你地假期會去邊架? 我隻仔去百貨公司已經好似落樓下咁, 習以為常! 不過仍然係周圍搞架!
回覆刪除[版主回覆10/04/2010 15:20:00]平時.. 咪落樓下/去公園 玩囉.. 遠d嘅就去嘅附近海灘/後山..
無工人嗰日就去婆婆屋企.. 有工人就可能俾爸媽賣甩! 總之我地有節目叫"去超市買必需品", 但無一個節目叫"行商場逛街"囉~
其實又唔可以話無去過百貨公司, 只係入去買完嘢就即刻走人, 真係未試過入去睇吓嘢.. 逛吓咁! 咁屋企附近嗰間.. 係"通道"嚟添!